New Delhi, Nohprah 01: U Myntri Rangbah duh ka ri, Narendra Modi u la ialam ia ka sorkar kaba la dap 6 bnai ha ka jingshimti jong ka ia ka samoi kaba ar ha ka 30 tarik Naiwieng 2019. Hapoh kine ki hynriew bnai la shim ia shibun ki rai bas ah jingkylla bad kiba wanrah jingkylla da ka Modi 2.0 kaba ktah khamtam ia ka jingim jong kiba duk ba suk, kiba jynjar, ki nongrep, ki kynthei, ki samla, ki middle class, ki Scheduled Castes, Scheduled Tribes. Ka sorkar ka ngeit skhem ba kino kino ki rai ba la shim kin dei beit shuwa na ka bynta ka ri.
Ha kaba iadei bad ka jingngeit ba ki briew jong ka ri ki la ai, ka sorkar hapoh ka jingialam bas tad jong u Myntri Rangbah duh ka ri, Narendra Modi ka la trei ban pynsngewthuh bad pyndep ia ki jingkular ba ka BJP ka la ai ha ka jingpynbna jong ka ha ka por elekshon. Da ka jingiohi kham iar ia ka “SabkaSaathSabkaVikas”, ka Modi 2.0 ka trei shitrhem bad pan ka jingshaniah jong baroh “SabkaVishwas”.
Da ki klur ki jingkular jong ka BJP la lah ban pynurlong. Kaba hakhmat eh napdeng jong ki kadei ka jingweng noh ia ka Article 370 bad 35A bad ka jingmynjur ia ka Triple Talaq bill & bad ka jingpynioh ia ka hok jong ki kynthei Muslim, kaba la pdiang da baroh.
Ha ka samoi treikam ba hynriew bnai jong ka Modi 2.0 ka ri ka la sakhi ia ka rai kaban sah jingkynmaw jong ka iingbishar ba don burom ka ri, ka Supreme Court halor ka Ayodhya, kaba prat lynti ban shna ia ka Ram temple ba khraw ha “Ram Janmabhoomi”,.
ka BJP bad ki kynhun hapoh jong ka ki la shim ia ka bynta kaba kongsan ha kaba wat ki katto katne kiba pyrshah ki la leh katba lah ban pynjlan ia ka rai halor ka Ayodhya. Kumba la kdew da u Myntri Rangbah duh ka ri ba don burom, u Narendra Modi ha ka prokram jong u ka “Mann Ki Baat” u la ong ba ka mynsiem jong ka jingiasuk bad iatylli kaba la mih hadien ba la pynbna ia ka rai halor ka Ayodhya ka pyni ia ka jingkhlain ka “synshar paidbah ha ka ri.”
Kawei ka Ri, kawei ka Lama, kawei ka Riti synshar ka la urlong hapoh ka sorkar jong u Modi. Kalong ka khyllipmat sah jingkynmaw ha kaba ka Bill ban weng noh ia ka Article 370, ba la saindur da u President ka BJP bad u Myntri sorkar pdeng ba dei khmih ia ki kam pohiing, u Amit Shah, ka la ioh ka jingmynjur ha iingdorbar thawain Parliament. Ka India ka don ha ka lynti ban long shen ka ri kaba ka ioh ka kot jong ka kalong 5 trillion-dollar.
Da ki rai kiba kongsan kum ka strategic disinvestment of PSUs bad ka jingpynkylla ha ka khajna, ki jingtrei bad ki kam bank, ka ioh ka kot jong ka ri ka la khlain. Ka jingpynduna ia ka Corporate tax sha ka 22% sha ki jaka pynmih tiar kiba la don lypa bad 15% ia ki jaka pynmih ba thymmai ha ka ri. Mynta ka khajna ha India kalong kawei na kiba duna tam ha ka pyrthei.
La lah ban sdang ruh ia ka jingpynlong kawei ia ki bank ban kyntiew ia ki kam bank. Ha kaba iadei bad kane, la lah ban pynlong kawei ia 10 tylli ki bank ban kyntiew ia ki kam bank. Yn pyniaid kumba T.70,000 klur lyngba ki bank jong u snem 2019-20.
Ka sorkar Modi ka la shim ia ka rai kaba khraw hapoh ka Insolvency and Bankruptcy Code. Da kane, ki sngi kiba phi lah ban pynbeit ia ki jingiakajia bad ban pynkhuid ia ki jingeh ka long 374 sngi.
Ka India ka pyni ia la ka jaka ha ka pyrthei. Ka jingkiew ha ki kyrdan bapher bapher ha ka pyrthei kum ka Ease of doing business, ka global innovation index bad shibun kiwei kiwei, ka pyni ia kane ka jingshisha. Ka India mynta ka don ha ka kyrdan ba 63 napdeng ki 190 tylli ki ri ha ka World Bank’s Doing Business Report (DBR) 2019. Ka India ka la kiew ha ka kyrdan ba 67 ha ka Ease of doing business ha ki 3 snem. Kalong ruh ka jingkiew kaba heh da kano kano ka ri kaba khraw naduh u snem 2011.
Ka India mynta ka long ka ‘world’s third-largest start-up ecosystem.’ Ka kyrdan jong ka India ka la kiew sha ka kyrdan ba 52 ha u 2019, na ka kyrdan ba 81 ha ka Global Innovation index; Ha ka World Digital competitiveness Index 2019 jong ka IMD, ka India ka la kiew sha ka kyrdan ba 44 na ka kyrdan ba 48 ha u snem 2018. Khatduh khatwai, ka India ka la kiew sha ka kyrdan ba 34 na ka kyrdan ba 52 ha u 2015 ha ka WEF’s Travel and Tourism Competitiveness index 2019.
Ha ka sienjam kaba khraw sha ka jingpyrshang ban pynlong arshah ka ioh ka kot jong ki nongrep ha ka ri, ka sorkar Modi 2.0 kadei kaba nyngkong ban wanrah ia kane ka sienjam ba kyrpang.Ka PM KISAN Scheme, kaba ai jingiarap T. 6000 shi snem la ai sha baroh ki nongrep. Mynta kane ka scheme ka kynthup baroh 14.5 klur ki nongrep ha ka ri.
Ka sorkar Modi ka la wanrah ia ka Rafale sha India. Da kane, ki jingkynnoh ba khlem nongrim pyrshah ia ka sorkar ki la shu long lehnohei.U Modi ji u ngeit ha ka jingiashimbynta lang ki paidbah ha kaba yn lah ban pynkylla ia ki rukom pyrkhat. U la pyni ia kane lyngba ka Swachh Bharat Abhiyan bad ka jingpyndonkam ia ki painkhana.
Mynta u la kyntu ia ki paidbah ba kin “ong em ban pyndonkam plastic.” Ha ka campaign ba 15 sngi, la lah ban lum13000 ton ki niut plastic. Kane kalong ka jingioh lum kaba heh bha. U la kyrpad ruh ia ki briew ban leh ia ka “Plogging” kamut katba phi leit mareh step lane iaid kai step, tam bad bret bai a ki “plastic” kiba sapriang kylleng ki surok lane ki lynti iaid kjat.
Watla hynriew bnai kalong ka samoi kaba lyngkot bha, haba ngi phaidien, kalong ka jingjop ba phylla ba ka sorkar Modi 2.0 ka la lah ban leh, ia kane la thoh da u Myntri sorkar pdeng ba dei khmih ia ka Environment, Forest & Climate Change; Information & Broadcasting; Heavy Industries & Public Enterprises.
