Ki iing shah jong ka Veterinary Dispensary ha Namdong kam wat wat tang ia ki pankhana

Jowai, Naitung 03: Ka tnad treikam jong ka KSU kaba don haka shnong Namdong West Jaintia Hills, ka KSU Namdong Unit mynhynne ka sngi hapoh ka jingialam u President u Samla Chanbor War, bad General Secretary Samla Juhhi Tariang lem bad ki dkhot ka Seng,  ki la leit ban jurip ia ka Veterinary Dispensary kaba don haka shnong Namdong naka bynta ban peit bniah iaka jingtreikam katei ka ophis Sorkar.

Haka jingleit jurip jong ka Seng,  la lap ba katei ka Veterinary Dispensary ka don shibun eh ki jingduna ha baroh ki lianghaba peit iaka jinglong jingman jong kane ka jaka ai sumar mrad la lap ki jingduna ha baroh ki liang,

“Ki quater ban sah ki nongtrei ruh ki la jot la pei lut, ka painkhana na ka bynta ki Staff bad ki Doctor ruh kam don, bad ka bording ban pyndonkam mynmiet ruh kam don” la ong ki nongialam ka KSU Namdong Unit.

“Kumno ba kane ka jaka ai sumar mrad kan lah ban ai jingshakri ia ki paidbah ka thain haba baroh ki jingdonkam kim don” la pynpaw shuh shuh ki nongialam ka Seng.

Ha kaba iadei bad kane ka jingbymbiang katei ka Jaka sumar Mrad, naka liang ka Seng kala dawa na ka sorkar ba kan pynbiang mar mar ia ki jingdonkam jong kane ka Veterinary khnang ba katei ka jaka sumar iaki mrad kan lah ban ai iaka jingshakri kaba biang bad janai.

Ka Seng ka la dawa ruh naka sorkar ba katei ka Veterinary ka donkam sa i wei i VFA, Ka ne U wei Ka ne U Master Roll, nangta katei ka Jaka Sumar ka donkam ruh ka jingpynbha(repair) iaki Quater, ka Bording bad ka Um.

Ka Seng KSU ka la dawa ruh naka sorkar ba kan buh iaka Training Centre naka bynta ki Nongri Jingri khnang ba ki paidbah kin lah ban ioh jinghikai haka rukom ri jing jingri katkum ka jingiaid jong ka por.

Ka Seng ka la dawa naka sorkar ba kan pynbiang kloi katba lah ia ki jingdonkam jong katei ka Veterinary, khnang ba ki nongshong shnong kane ka thain kin ioh iaka jingshakri kaba pura.

“Ngi dawa ia ki bor ba dei khmih ia kane ka Veterinary naduh ka VDO  bad kumjuh naduh u Director katei ka tnad ba kin phai khmat sha kane ka jaka ai jingsumar mrad dakaba pynkloi ban maramot ia ki Quater, bad ban pynbiang iaka bording, ka um, ha kane ka Veterinary Dispensary”  la pynkut ki nongialam ka KSU Namdong Unit.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet