Ki jaka jngi ki dei ban don ia ki nongap ban iada na ka jingngam jyllop: Shemphang

Shillong, Iaiong 25: U Bah Shemphang Lyngdoh President jong ka seng “Swim Well Aquatic Club” u la ong ba ki jaka jngi mynta kila buh bah ha kane ka jylla Meghalaya khamtam ha kane ka nongbah Shillong, ka long kaba don kam ban don u wei nongap ban iada na ka jingngam jyllop.

Na ka liang jong ka seng khlem da ioh ia ka jingiarap na ka sorkar kala phah ar ngut ki dkhot sha bar jong ka jylla ban shah hikai ha kane ka kam bad kita kiba la wan shah hikai kyrpang ki long u samla Akhia Donnam Lyngdoh bad u Daplang Kharsati.

La iathuh ba ka seng kala thoh sha u Deputy Commissioner jong ka East KHasi Hills District ban pan ia ka jingbit ba kin lah ban leit ai jingpynshai sha ki skul bad ki kolej, ha ba ki leit piknik sha wah kumno ki dei ban leh ban lait na ka jingmynsaw mynta ki dang ap ia ka jingbit na ka DC Ophis.

Ka seng ka kyntu ia ka sorkar ba ka dei ban bethah ia baroh ki jaka ba don ia ki jaka jngi ba ki dei ban buh ia ki briew kiba la tbit ban iarap ia ki briew ha kaba ki leit ban jngi bad kane ka dei ka kyndon kaba la buh da ka sorkar ha kaba ai jingbit ban buh ia ki jaka jngi ka sorkar ka dei ban pyntrei kam ia ka bad kane kan long ka lad ioh kam ioh jam ia ki samla.

Ha ka juh ka por ka seng ka pynpaw ia ka jingsngewnguh ia ki risew shimet kiba la noh jingiarap sha ka seng ban phah ia ki samla ban leit sha bar ka jylla ban shah hikai ha kane ka kam wat la ka tnad ialehkai jong ka sorkar jylla kam pat noh kano kano ka jingiarap haduh kine  ki sngi.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet