Shillong, Rymphang 28: U Myntri Rangbah ka jylla u Conrad K Sangma mynta ka sngi u la buh ia u Mawnongrim ban tei ia ka bynta jong ka Science-bad-Library Blok ha kaba la ainam kyrteng jong u Phadar Joseph Bacchiarello Annexe. St. Anthony’s College Shillong ha ka jingiadon lang ki bor pyniaid ia ka Kolej.
Haba kren ha kane ka jingialang kaba lyngkot ban buh ia u mawnongrim u myntri rangbah ka jylla u Conrad la ong ba kane ka jaka pule ka dei kaba paw bha ha kylleng bad ka long ka jingmyntoi kaba khraw ia ki samla ha ka liang ka pule puthi na ka bynta ki samla bad kane ka jaka pule kala sei ruh shibun ki riew khraw.
Ha kane ka sngi na ka liang jong u mytnri rangbah ka jylla u la ban jur ba don kam ban pynkhlain ha ki jaka pule ia ki jingwat bniah katkum kane ka juk kaba mytna na ka bynta ban kyntiew ia ka roi ka par bad na ka liang jong ka sorkar jylla ruh kala ia trei lang bad kiwei ki kynhun na ka Ri bad ka pythei ha bun ki liang ha ka liang ka koit ka khiah bad kum juh ha ka liang jong ka mariang.
Na ka liang jong ka sorkar ka pyniasoh bad ki jaka pule na ka bynta ban pynlong ia ki jignwat bniah kiba long katkum kane ka juk kaba mytna bade ban weng ia ki jingeh da kaba ia treilang ha ki shnong ki thaw bad ia kum kine ki jingiatreilang lah ban ia don lang ruh ha ki nongkyndong.
Ha kane ka sngi u Principal ka St. Anthony’s College, Rev. Br. Albert L. Dkhar, haba kren pdiang burom ha kane ka jingialang la ong ba kane ka iing ban tei ban pynsah nam ia u Rev. Fr. Joseph Bacchiarello Annexe. Kan long G+5 bad kane kan long ban buh ia ka Central Library jong ka college ba dei jong ka shnat pule Science bad na ka bynta ka Northeast India Audio Visual Archive.
