ki jingpuson snem 2019 bad ki jingkyrmen 2020 na u Bah John Kharshiing

Shillong, Kyllalyngkot 03: Katto katne ki jingpuson 2019 bad ki jingkyrmen 2020 ki long Ka jing buddien bad ka Sorkar Jylla halor ki hok jong ka Ri Khasi katkum ka IOA & AA,  ka iaid shakhmat khlem shongthait hynrei la hap ban buddien ruh bad ki bor KHADC ha kaba la mih CEM bathymmai.

Ka jingmih noh jong ngi na ka seng Indian National Congress namar ka rukom treikam ka bym shai.  Wan sa ka Election MP ha kaba ka jop biang ka Seng BJP ha kaba ka la ioh haduh 303 ngut ki MP marwei.

Ka jingktah ka ban sa mih na ka rai halor ka Assam NRC  ha kaba la pynduh long nong India ia kumba 19lakhs na ka NRC.

Ha ka sien nyngkong hadien 67 snem (1952 – 2019) kaban sah kynmaw ba thung u Chairman Khasi Hills Autonomous District Council (KHADC) ia ka Committee kaba kyrpang ban bishar bniah ia ki kyndon IOA & AA bad ki kyndon Sixth Schedule.

Ka jingthung u Chief Executive Member KHADC ia ka Committee ban bishar bniah ia ka jingthmu ban pynbeit thymmai ia ka The Indian Forest Act 1927 ha kaba la kynthup lang nalor ki MDC ka liang pyrshah la kynthup lang ia ki Khlieh Nongsynshar kiba long ki nongkitkam ka Federation of Khasi States (FKS). Katei ka Committee ka la ai jingmut Sha ka EC KHADC ban pyntip bad ban shim khia ban ia kren bad ki bor sorkar Jylla ban kyntait mardor ia katei ka jingthmu.

Ka jinglong beain ka jingpynduh ia ka article 370 ha ka 5 tarik August 2019 bad kumno ka  phalang ia ki dulir  Instrument of Accession bad Annexed Agreement jong ki Khasi States.

Ka jingmih ka Resolution hapoh iing Dorbar Assembly na ka liang pyrshah halor ka jing donkam ban bsuh ia ki kyndon IOA & AA hapoh ka Article kaba kyrpang hapoh ka Constititution Ri India.

Ka jingpyniap dusmon kaba shyrkhei  ia ka Longkmie ka Doctor ha Hyderabad bad ka jingpyniap ia kito ki ba la shah kynnoh ha ha jingpyniap ia katei ka doctor.

Ka jingthung ia ka Parliamentary Standing Committee jong ka tnad Ministry of Home Affairs ban bishar bniah halor ka jingtyrwa ban pynbeit thymmai ia ki kyndon Sixth Schedule bad ka jingthmu ban wan sha Shillong.

Ka jingiakhih kaba jur hapoh baroh kawei ka Ri India halor ka  citizenship (amendment) act 2019 kaba la pyntylli ia ki khun ki hajar ka Ri Khasi halor ka jingdonkam ia ka jingpyntreikam ia ki Kyndon ILP hapoh Meghalaya.

Ka jingiakynduh ki Khlieh Nongsynshar ka Federation of Khasi States (FKS), ia u Chief Minister ha ka 17 tarik December 2019 ha iing sah jong u kaban sah kynmaw.

ki jingkyrmen na ka bynta u snem 2020

Ngam dei u Chief Minister kumta ngi lah tang kat ban shu ai jingmut ia u Chief Minister  ba donburom bad ki dkhot Myntri ki MLA ka Sorkar khleh khawlang MDA  ba kin pynlong ka jingiakren kaba sani bha halor ki hok ki kyndon  IOA & AA namar ki don ka jingiadei kaba jan bad ka jingbatai kaba bniah halor ka Hok ka kamram ka jingkitkhlieh jong ki Dorbar Kur, Dorbar Shnong, Raid bad Dorbar Hima  ha ka synshar khadar bad ka bishar khamtam ha kaba iadei bad ka hok ki khun ki hajar ka Ri Khasi bad rilum Jaintia.

ka jingpynsah teng  ka jingbympynbeit ia kitei ki jingkular ka la long ka jingduhnong kaba khraw ia u khun u hajar namar kane ka jingpynsahteng ka jingpynshai ia ka kyrdan ki kam (role, function & status) ka jingkitkhlieh (responsibility) jong ki  Dorbar bad ki Nongsynshar naduh Shnong, Raid haduh Hima ka long kaba ktah jur namar Kum ka nuksa haduh kine ki sngi dang iai sahkut ka jingpynshai halor ka Ain thaw Shnong ka Ain thaw iing (building byelaw), sah kut u pud u sam,  inter-state & international border jong ki Khasi states, ka jingpyntuid ei sharud ia ki khajna kamai jong ki trai jaka ka Sorkar Jylla KHADC, namar ka jingtyngkhuh ki Ain Ri India bad ki hok ki  Khasi States katkum ka IOA &AA kaba la soi bad mynjur hapdeng ka Sorkar India bad ki 25 Hima Khasi States ha ka 17 tarik August 1948.

Ngi iai kyrmen ba kane ka Sorkar Jylla Kan shim khia ban buddien bad ka Sorkar India ban pyndep ia kitei ki jingkular bad ki jingiateh. Ngi kitbok bad ai khublei snem thymmai 2020 ia ki khun ki hajar hapoh ka Ri Khasi bad ka jylla Meghalaya baroh kawei.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet