Shillong, Naiwieng 13: U Myntri kam poh iing ka jylla u bah Lahkmen Rymbui haba jubab ia ka jingkylli jong u Zenith M Sangma ha ka unstarred question u myntri u la pyntip ba baroh ki kam kiba lait ha ka tnad pulit ha baroh kawei ka jylla ki long 823 ngut.
Haba ia dei bad ki pulit, Unarmed kiba la lait haba shim lang ha baroh 11 tylli ki District ki long 296, katba ha ka Armed Branch pat baroh kiba lait ha ki 11 tylli ki district ki long 117 ngut, kine ki dei ha ka kyrdan langrut.
Haba ia dei bad ki kam kiba lait ha ki ophis ki bym dei ki ha ka kyrdan ophisar ha baroh kawei ka jylla kiba dei ha ophis jong ka tnad pulit ha baroh kawei ka jylla ki long 203 tylli ki kam bal ait bad kaba bun eh dei ha East Khasi Hills District 31 tylli.
Haba ia dei bad ka jingkylli ia ka jinglait ki kam ha ka kyrdan langrut ha ki saw tylli ki Indian Reserve Battalions (IRBN) baroh ki kam kiba thylli ki long 207 tylli, ha 3rd MLP battalion, Sahbsein 9Tactical HQ ha Vikashpuri (New Delhi) ki long 18 tylli, ha 4th MLP battalion, Sohpian 84 tylli, ha 5th MLP battalion, Samgong 85 bad ha 6th MLP battalion, Umran 20 tylli.
