Shillong, Lber 15: U myntri rangbah jong ka jylla u Dr Mukul Sangma ha ba jubab ia ka jingkylli jong u nongialam ka liang pyrshah u Dr Donkupar Roy ha kaba ia dei bad ki kam kiba lait ha ka kyrdan MCS bad MPS ha kine ki san snem lynter, u myntri rangbah u la ong ba baroh ki kam kiba lait ha katei ka kyrdan ki long 45 ha ka kyrdan MCS bad 15 tylli ha ka kyrdan MPS.
Haba ia dei bad kane na ka liang jong u myntri rangbah u la iathuh ba la phah sha ka MPSC ba kan pynlong ia ka examin na ka ban thung kam ha kitei ki kyrdan ia kane la phah ha ka 6.03.2017 mynta u bnai bad ia ka kam MPS ka jingpynkhreh ban pynlong ia kane ka examin kala dang iaid.
Ka jingslem ban pynlong ia ka exmain na ka bynta kane ka kam MCS bad MPS ka long ba ka sorkar dang shen ka dang lah ban pynkylla ia ka syllabus ha kaba ia dei bad kane ka examination na ka bynta ka kam MPS bad MCS, ka rukom jied ia ki briew ha kaba ia dei ha kane ka kyrdan ka long ka juh hapdeng ki MCS bad ki MPS la ong u myntri rangbah.
