Shillong, Jylliew 27: U bah Disparsing Rani u wei na ki nongwat RTI ha kaba ia dei bad ki kam jong ka sorkar mynta ka sngi u la pyntip ba kiba la buh ia ki aplikoshon ha Secretariat na ka bynta ki 119 tylli ki kam ba leit ki long haduh 1,56,563 ngut.
Haba kren ha ki lat pathai khubor mynta ka sngi ha Shillong Press Club bah Disparsing Rani la iathuh ba katkum ka RTI kaba la ioh ha kaba ia dei bad ki 119 tylli ki kam ba la khot aplikoshon ha Secretariat shem kiba apply ki don haduh 1,56,563 ngut ka jingpynslem ban khot ban toh ia ka eksamin dei halor kane.
Na ka liang jong ka ophis la iathuh ba kila pynkhreh ban pynlong ia ka ekshim ba ka bynta kitei ki kam ha dien ba ka iing bishar ba don burom kala ai ia ka jignbtah ha kaba ia dei bad ka jingkhot thung kam ha ka sorkar jylla.
Lyngba ka RTI la shem ba ka pisa kaba ka sorkar kala ioh na kaba ka sorkar ka shim na ki khynnah ba wad kam na kitei ki 1,56,563 ngut kala ioh haduh T.57, 88, 367 /- tyngka.
Haba ia dei bad ka jingkynnoh ba ka don kata ka jignthung kontrak la ong ba kam don ka jignthung kam kaba kum katta, hynrei kidon tang kiba trei sngi 120 ngut, haba ia dei bad ki kam ban ioh kiew kyrdan ha ki tnad sorkar ki don ki Kommittee bala tip kum ka “Departmental Promotion Committee” ban peit bad ha Secretariat ki don ka jong, ki nongtrei sorkar ki dei ban tip ia kane.
