Shillong, Lber 28: U Myntri ba dei peit ia ka tnad pule u Rakkam A Sangma haba jubab ia ka jingkylli jong u bah Charles Marngar la iathuh ba ha ki skul SSA ki kam hikai kiba lait ki don 420 tylli, ha ki LP skul ki don 102 tylli, ha UP Skul ki don 292 tylli bad ha Secondary skul ki don 26 tylli.
Ha ki skul sorkar ki kam hikai kiba lait baroh ki don 1249 tylli, ha ki LP Skul ki don 1002 tylli, UP Skul ki don 41 tylli, ha secondary Skul ki don 155 tylli bad ha ki Higher Secondary School ki don 51 tylli.
U Myntri ba dei peit ia ka tnad pule puthi la ong ba ka sorkar kala phah ia ki nonghikai ban hikai shipor katba ym pat don nonghikai, ka sorkar ka dang pynkhreh mynta ban ioh ban thung ia ki nonghikai kiba pule ha kitei ki kam kiba lait baroh.
Haba jubab ia ki jingkylli bynrap na ka liang jong u myntri la ong ba kane kam dei tang ha Ri Bhoi District hynrei ka long ruh ha baroh kiwei kiwei ki skul kiba don ha ka jylla ia kaba ka sorkar ka dang pynbiang ban thung ia ki nonghikai ba pura.
