Ki kam jong ka “Ministry Of Micro, Small And Medium Enterprises” ha u 2019 

New Delhi, Dec 27: Ka ioh ka kot jong ka ri India ka lah ban long kum kawei na kiba hakhmat eh ha ka pyrthei, ha kaba ka don ia ka thong ba ka GDP kan kot sha ka USD san trillion hapoh u snem 2024. Ka thong jong ngi ka long ban pynthikna ba kumba USD ar trillion ka jing noh synniang kan dei na ka MSME. Ban kot sha kane ka thong, ka M/o MSME ka la shim shibun ki sienjam ha u snem na ka bynta ka jingkyntiew ia ka teknoloji, ka jingpyntbit ha ka sap trei kam bad ban thaw ia ki lad ioh kam ioh jam ban pynkup bor ia ki MSME.

KA PRIME MINISTER’s EMPLOYMENT GENERATION PROGRAMME (PMEGP):

Hapoh ka Prime Minister’s Employment Generation Programme (PMEGP) la plie 65,312 ki micro enterprise ba thymmai bad la lah ban thaw ki lad ioh kam ioh kam haduh 5,22,496 bad la lah ban pyndonkam ia ka jingiarap pisa kaba shongdor T. 1929.83 klur.

Ka PMEGP kalong ka prokram ai jingiarap pisa ha ka dur jong ka ram ba la pyntreikam da ka Ministry of MSME naduh u snem 2008-09. Kane ka Scheme ka thmu ban thaw ia ki lad treikam lajong lyngba ka jingplie ia ki micro enterprise ka bym iadei bad ka farm sector da kaba iarap ia ki nongthain kti lane ki nongshna tiar tynrai bad ki samla khlem kam kiba don ha ki thain nongkyndong bad kumjuh ruh ha ki jaka sor.

KA CLUSTER DEVELOPMENT PROGRAMME:

Micro Small Enterprises – Cluster Development Programme (MSE-CDP):

  1. i) La shna 17 tylli ki Common Facility Centre bad 14 tylli ki Infrastructure Development Project.
  2. ii) La mynjur 24 tylli ki Common Facility Centre bad 25 tylli ki Infrastructure Development Project.

Ki SFURTI Cluster

Ki 51 tylli ki SFURTI (Scheme of Fund for Regeneration of Traditional Industries) Cluster kiba la ioh jingmynjur kham hashuwa la lah ban pyndep bad ki la treikam mynta. Shuh shuh, 78 tylli ki SFURTI Cluster ba la tyrwa ki la ioh ka jingmynjur da ka Scheme Steering Committee kaba ai jingmyntoi ia kumba 48608 ki nongshna tiar/ki nongtrei ha ka 1 tarik Kyllalyngkot, 2019 haduh mynta.

Ki Solar Charkha Cluster:

U President jong ka ri India, Ram Nath Kovind u la plie ia ka Solar Charkha Mission ha ka 27 tarik Jylliew, 2018 ha ka jingialang ha New Delhi.

La mynjur 11 tylli ki Detailed Project Reports (DPR) jong ki Charkha Cluster da Scheme Steering Committee ha u snem mang tyngka ba mynta 2019-20.

LA PLIE BIANG IA KA CREDIT LINK CAPITAL SUBSIDY

Ka Sorkar ka la mynjur ban bteng biang ia ka bynta jong ka Credit Linked Capital Subsidy -Technology Upgradation Scheme (CLCS-TUS) ha u bnai Rymphang 2019. La plie ia ka Credit Linked Capital Subsidy jong ka CLCS-TU Scheme da u Nitin Gadkari, u Myntri Sorkar Pdeng ba dei khmih ia ka Micro, Small and Medium Enterprises ha ka 05-09-2019 da ka jingsoi ia ki MoU hapdeng ka ophis jong ka DC (MSME) bad ki Nodal Bank. Ha u snem mang tyngka 2019-20, la pyllait T. 338.01 klur.

Ka Credit Guarantee Fund Trust for Micro and Small Enterprises (CGTMSE):

Hapoh ka CGTMSE, la mynjur 5,46,127 ki credit facilities kaba kot sha ka T. 33,381 klur.

KA TECHNOLOGY CENTRE SYSTEMS PROGRAMME (TCSP):

Ka Ministry of MSME ka la pyntreikam ia ka Technology Centre Systems Programme (TCSP) ha ka jinglut kaba la antad T. 2200 klur, ba kynthup ka ram na ka World Bank kaba kot USD 200 million, ban plie 15 tylli ki Tool Roomba thymmai bad ki Technology Development Centre (TC) bad ka jingkyntiew ia ki 18 tylli ki TC ba la don lypa ha kylleng ka ri. Saw tylli Technology Centre ha Bhiwadi, Bhopal, Puddi bad Tinsukia) ki la long ba la kloi.

La don 3,59,361 ngut ki khynnah ba la ioh jingpyntbit lyngba ki Technology Centre bad kiwei kiwei ki jaka ai jinghikai jong ka tnad MSME.

GeM- Government e-Marketplace: 

  • La pynrung kyrteng 62,085 tylli ki Micro and Small Enterprises (MSE) hapoh ka GeM.
  • 50.74 % jong ki order lyngba ka GeM portal ki la dei na ki MSE.
  • Ka Sorkar ka la bthah ia ki Central Public Sector Undertaking (CPSU) ba kidei ban shim 25% ha ka jaka 20% na ki Micro and Small Enterprises (MSE).
  • La shim ia ki tiar bad ki jingtrei kiba shongdor T. 20,139.91 klur na ki 71,199 tylli ki MSE. Ka jingshim na ki MSE ka la kot sha ka 28.49% na baroh ki jingshim jong ki CPSE.

Digital MSME: Ki kynhun kum ka Common Service Centres (CSC), Entrepreneurship Development Institute of India (EDII) ki la shimti ia ka kam ban pynkhlain ia ki jinglong digital jong ki MSME. La pynlong ia ki prokram jing pynsngewthuh bad ki workshop ha kylleng ka ri na ka bynta kiba donkti ha ka MSME bad ban wanrah ia baroh ki nongai jingtrei jong ka MSME hapoh kawei ka rynsan.

Lean Manufacturing: Ka Scheme hapoh ka jingpyntreikam ha ki 267 tylli ki Cluster jong ki MSME lyngba ka ri lyngba ka Quality Council of India (QCI) bad National Productivity Council (NPC). Ki Sorkar jylla, ki kynhun jong ki karkhana ki la iatreilang ban pynpoi shuh shuh ia ka scheme sha ki MSME cluster.

Incubation: La mynjur ia ki Incubation centre ha palat 200 tylli ki Technical Institution, Industry Association, Social Enterprise. La khot ia kiba don ki buit ba thymmai kiba don ruh ia ki business proposal ban kyrshan pisa hapoh ka scheme. Hapoh kane ka scheme la ai ia ka pisa kaba haduh T.1 klur ban sdang kam.

Design Clinic: La plie ia ka Design scheme na ka bynta ki technical institution bapher bapher hapoh ka Ministry of Human Resource Development (MHRD), ki Industry Association, Social Enterprise, ki Self Help Group kiba trei na ka bynta ban ai ka jing kyrshan ia ki nongtrei kam lajong jong ka MSME ba kynthup ia ki kam shimet kiba dei na ki jaka nongkyndong bad kiba iadei bad ki kam saindur. Palat 80 tylli ki Design centre ba thymmai la plie ha ki jaka bapher bapher sa ha ki 4 tylli ki jaka na kaba la don lypa ba la pyniaid da ka National Institute of Design (NID). La kyrpad ia ki MSME bad ki samla pule ban pynpoi ia design project jong kin a ka bynta ka jingioh jingiarap pisa hapoh ka scheme.

Ka jingkyrshan pisa sha ki MSME ha ka Zero Defect Zero Effect (ZED) Certification Scheme: 23070 tylli ki MSME ki la pynrung kyrteng hapoh ka ZED scheme naduh ba la sdang ia ka. La pynsuk ia ki kyndon jong ka ZED ban pyniasoh palat shi million ki MSME ha ka ZED. Baroh ki kynhun karkhana bad ki technical institution ki la iasoh lang na ka bynta ban ioh bynta lem ha kane ka scheme.

Ka jingpynsngewthuh halor ka Intellectual Property Rights (IPR) Scheme: Palat 60 tylli ki IP Facilitation Centre ba thymmai la plie ha ki bynta bapher bapher jong ka ri ban don uwei u nongiasaid ain ha ka IP ban iarap ia ki MSME ban aplai ia ka bad ban register ia ki trademark jong ki bad ki patent. Ki FPO ki ioh ka jingiarap ha ka por ba ki aplai ban ioh registration ki GI. La pynphai biang ia ka pisa na ka bynta ka registration jong ki IPR bapher bapher haduh ki MSME. La nang wanrah shuh shuh ki jingpynsngewthuh halor ki hok ba iadei bad ka IP hapdeng ki MSME.

Ka jingiarap ha ki kam thied bad ki kam pyniaid iew: Ki District Udyam Samaagam ki thmu bad mynjur na ka bynta baroh 731 tylli ki district jong ka ri. Palat 80 klur la mang hapoh ka PMS ban pynlong ia ki trade fair/ exhibition/ awareness programme/ seminar ha baroh kawei ka ri lyngba ki Sorkar jylla /ki kynhun karkhana / ki Social Enterprise na ka bynta palat 350 tylli ki prokram.

Ka Entrepreneurship Skill Development Programme (ESDP): Palat T. 135 klur la mang hapoh ka ESDP ban pynlong ia ki prokram pyntbit bapher bapher ha baroh kawei ka ri lyngba ki Sorkar jylla/ki kynhun karkhana/ ki Social Enterprise/ ki Corporation jong ka Sorkar. Baroh ki don 3000 tylli ki prokram ba la pynlong/mang mynta u snem.

Ki jingai jingmut jong ka U. K. Sinha Committee:

Ka RBI Expert Committee hapoh ka jingialam u U. K. Sinha halor ki Micro, Small bad Medium Enterprise ki la ai 37 tylli ki jingai jingmut ba kongsan. La bthah ia ki Ministry/Department/ki kynhun/ki jylla ba dei khmih ban bud ia ki mat treikam ba donkam ba iadei bad ki. Ban khmih ia ka jinglong jingman jong ka jingpyntreikam ia ki jingai jingmut jong ka Committee, la pynlong ia ka Committee of Secretaries (CoS) hapoh ka jingialam jong u Cabinet Secretary kaba la long ha ka 31.10.2019.

Ki SME BAD KA JINGIATREILANG BAD KIWEI KIWEI KI RI:

  • Ka International SME Convention kaba ar la pynlong da ka Ministry of MSME ha ka jingiatreilang bad ka Economic Diplomacy & States Division jong ka Ministry of External Affairs bad ka India SME Forum ha ka 27- 29 tarik Jylliew. 1385 ngut ki nongtrei kam lajong na India bad 175 ngut na 44 tylli kiwei ki ri ki la iashim bynta. Ki nongrah ktien na 16 tylli ki ri ba kynthup ia ki ri Europe, Africa bad Latin America ryngkat bad ki jaka die tiar jong ki ki la iakren halor ki lad ki lynti ha ka khaii pateng ha kane ka Convention.

La pynlong 198 tylli ki jingialang B2B, la don ruh 42 tylli ki jingiakren na ka jingiatreilang hadien habud. La thep 729 tylli ki form da ki nongtreikam lajong ka rib a iadei bad ka B2B. Baroh la iohpdiang 3015 tylli ki jingkyrpad na ka bynta ka jingiatreilang na kiwei ki ri ha kaba iadei bad ka B2B bad namar kane la thmu ban shna ia ka International SME Gateway. La iasoi ia ka MoU hapdeng ka kompani na Spain MCU Coatings bad ka kompani na ka ri, HiTech Engineers for technology ban plie ia ka karkhana ha Puducherry da ka jingbei tyngka lang kaba long US $10 million.

  • Ka Ministry of MSME ha ka jingiatreilang bad ka confederation of Indian Industry (CII), New Delhi ka la pynlong ia ka 16th Edition of Global SME Business Summit 2019 ha ka 24-25 tarik Nailur, 2019 ha New Delhi da ka jingthmu ban kyntiew ia ki jingtreishitom na ka liang ki MSME lyngba ki buit ba thymmai ha ka teknoloji bad ka jingpynshlur ban pynheh ia ki lyngba ka jingiatreilang bad kiwei kiwei ki ri.
  • Ka jingkyntiew ia ka Khadi bad ka jingpynkup bor ia ki karkhana ha ki jaka nongkyndong: 
  • Ioh ka Khadi ia ka HS code ba kyrpang, pynkhlain ia ka kam shalan mar shabar riKa Khadi ka la ioh ia ka HS code ba kyrpang ba la ai da ka Sorkar Pdeng ha ka 4 tarik Naiwirng19 ban ithuh ia ki mar jong ka kiba shalan shabar ri. Ha ka kam ba bun ki la ap mynta shipor, ka Ministry of Commerce and Industries ka la ai ia ka HS code ba kyrpang ia ka Khadi khnang ban lah ban pyniapher ia kane ka jait jain kyrpang jong ka India na kiwei kiwei ki jait jain.

Kane ka rai jong ka Sorkar kan plie ia ka lawei ba thymmai ha kaba iadei bad ka jingshalan Khadi sha kiwei pat ki ri. Shuwa kane ka rai, ym ju don ka HS code ba kyrpang na ka bynta ka Khadi. Namar kane, baroh ka jingtip halor ka jingshalan ia ka Khadi shabar ri la kynthup lang bad kiwei kiwei ki jain. Mynta ka tnat Commerce & Industries kan lah ban peit bniah ia ka jingshalan Khadi shabar ri bad kane kan plie lad ban kyntiew ia kane ka kam.

  • La ioh order thymmai ia ki pla KVIC ba shongdor palatb T. 06 klur na ka GAIL bad PFC:Ka Khadi and Village Industries Commission (KVIC) ka la ioh order ba shongdor T. 5.88 klur na ka Gas Authority of India Limited (GAIL) bad T. 75.00 lak na ka Power Finance Corporation, New Delhi (PFC), ha ka dur jong ki Khadi gift coupon. Ki nongtrei ki lah ban pyndonkam ia kine ki gift coupon baroh shi snem na baroh ki jaka die jong ka tnad jong ka KVIC. Kane ka rai kan nang pyniar shuh shuh ia ka iew jong ki mar Khadi.
  • Ki Kam ba thymmai jong ka KVIC ha Goa:Dang shen ka KVIC ka la sam ia ki shaka elektrik ban shna khiew bad ki Charkha ba thymmai (Ka kor thain jain) sha 50 ngut ki kynthei kiba la shah hikai pyntbit ha Goa. Kane kan plie ki lad ioh kam jong 700 ngut ki briew. Ka KVIC ka la plie ruh ia ka Lijjat Papad unit ha Goa, ka ban plie 200 tylli ki lad ioh kam ia ki kynthei ha ka thain. Lah ban kdew ba kine ki kam kilong kiba nyngkong kiba kum kine ha Goa namar ym don ki kam thain bad shna, kam don ka Lijjat Papad unit ha Goa mynshuwa. Shuh shuh ha ka sien ba nyngkong la ai ia ki shaka elektrik ban shna khiew ha ka jaka jong kito ki shaka shna khiew ba rim kiba shimpor bad duna ka jingpynmih. Ha jylla Goa, la sam 215 tylli ki synduk ri ngap sha ki 43 ngut ki nongri ngap.
  • Ka jingplie ia ka jingdie ia ki Rumal Khadi ba la shna da ki longkmie ba shah ktah ha ki kam lehnoh jong ka J&K:

U Myntri Sorkar Pdeng ba dei khmih ia ka MSME Nitin Gadkari u la plie ia ka jingdie ia ki Rumal Khadi ba la shna da ki longkmie ba shah ktah ha ki kam lehnoh jong ka J&K ha ka 17 tarik Nohprah, 2019. Ka jingdie ia ki Rumal Khadi kan wanrah ka jingsngew skhem bad pynlah ia ki longkmie ha kylleng ka Jammu & Kashmir ban im ka jingim kaba laitluid bad ka jingim kaba don burom. Ka KVIC ruh ka la iasoi jingiateh bad ka Paytm ban die 2 klur ki paket ki rumal khadi lyngba ka rynsan online bad mobile application.

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet