Ki kam rahbor ha khappud ka dei ka jingiatreilang ki dakaid na India bad Bangladesh

Left Mr P K Dubey right Mr M Zahid Hasan Dy IG Bangladesh exchange document aftter the three day meeting.Shillong, Naitung 15: U Inspector General jong ki Border Security Force u PK Dubey, u la ong ba ia ki kam rahbor ha khappud ka dei ka jingiatreilang ki riew dakaid na ka Ri Bangladesh bad na Ri India. Ia kane ka jingong la kubur ruh da u Additional Director Genenral jong ka BGB u M Zahid Hasan.

Haba kren ha ki nongthoh khubor mynta ka sngi ha dien ka jingialang kaba lai sngi ha ka kyrdan jong ki  “Inspectors General BSF-Region Commanders BGB level Border Coordination Conference” jong kine ki ar tylli ki ri, kitei ki heh shipai na baroh ar liang kila ia kubur lang ba ki ktem lehnoh ha Bangladesh kim don shuh, hynrei ki lehnoh kiba don ha Bangladesh ki rihtngen da kaba shongkha ia ki trai shnong na Bangladesh ha kawei pat ka kyrteng.

U Hasan, u la ong ba ka Ri Bangladesh kan nym ailad ia ki lehnoh ban pyndon kam ia ka Ri jong ki ban ia leh pyrshah ia ka Ri India, mynta ruh ka dang wad ia ki lehnoh kiba la rih hapoh katei ka Ri da kaba shongkha ia ki kynthei trai shnong, lada ki ioh jingtip kin nym ailad kim kem ia ki bad kin pynshitom kat kum ka ain jong ki.

Ha kane ka jingialang na ka liang jong ka  Bangladesh kala ban jur ba ka long kaei kaei kaba sngewsih ba ki riew paidbah jong ka Ri Bangladesh ki shah pyniap ha ki briew jong ka India, ka sorkar India ka dei ban sangeh ka khaii masi namar kala ktah ia ka ioh ka kot jong ka Bangladesh  bad ki shipai BSF ki dei ban khanglad ia ka jingkhaii ia ki jingdih pynbuaid na kane ka Ri.

Na ka liang jong ki BSF, kila ban jur ia ka Bangladesh ba ka dei ban pynher krad ia ki lehnoh kiba donha ka Ri jong ki, ka dei ban khanglad ia ka jingwan rung tuh ki pisa thok sha kane ka Ri na Bangladesh. Ha kane ka jingialang kila ia mynjur ban pahara lang ia u pud u sam ha pdeng ha kine ki ar tylli ki Ri ha ki jaka ba jyllei ki kam khaii tuh. Ha kane ka jignialang kila ia rai ban ialam ia ki lad pathai khubor ba kin ia don lang ha khappud ba kin tip ia ki jingshisha ba kin nym mih ki khubor bakla.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet