Ki Khasi ki dei kiba la pdiang nyngkong ia ka jingngeit Katholik ha North East: Kardinal Bo

Shillong, Naiwieng 10: Ka jingiaid “Procession Eucharist” kaba juh long man la u snem ha iing mane bah ha Laitumkhrah ka long ba ki khristan katholik ki pynpaw sha ka pyrthei ia ka jingngeit ka jong bad ban kohnguh ia ki nongpyniaid jong ka Balang lyngba kane ka prosession.

Wat hapdeng kane ka jingpynthud jong ka mariang, ki paid riew ngeit kila ia poi palat lak ngut ki paid riew ngeit na kylleng ki parish bapher bapher kiba don hapoh jong kane ka jylla naim bah Shillong, kum juh na ka jylla niam Jowai bad Nongstoin.

Ha ka por mynstep kala don ka jinglehniam jong ka Mass ba khuid ha iing mane bah ha kaba u Kardinal Charles Maung Bo SDB,DD u  Archbishop jong ka Yangon jong ka Ri Myanmar u la long u nongialam rangbah ha kane ka jinglehniam ha ka jingiadon lang jong u Archbishop Emeritus MC Thomas SDB, DD jong ka  Guwahati, u Bishop  John jong ka Itanagar Diocese, Bishop Victor Lyngdoh jong ka Jowai Diocese lem bad ki paid Lyngdoh.

Ha ka jingkren jong u Kardinal Charles Maung Bo sha ki paidbah khristan mynta ka sngi u la ong ba ki khasi ki dei kiba la pdiang nyngkong ia ka jingngeit katholik sha kane ka dong shatei lam mih ngi jong ka Ri India. U la ong ba dei kane ka jingbat skhem jong phi ia ka jingngeit kaba la pynlong ba kiwei ki jaidbynriew ruh kin wan sha ka balang Katholik.

U la iathuh ruh ba hapoh jong ka jylla Myanmar ki don 16 tylli ki Diocese bad na kine  14 tylli ki dei ki jylla niam riewlum kum naphi sha ne bad kum ka balang ngi long kawei ha ka Eukharist. U la ong ba kane ka long ka sien kaba nyngkong ba u la wan sha Shillong da ka jingkhot sngewbha jong u Archbishop Rev Dominic jala SDB DD bam kwai ha dwar u blei.

U Kardinal   Charles Maung Bo SDB,DD u la ong ba u la juh ioh sngew ia ki jigniathuh na u Archbishop Rev Dominic Jala SDB DD bam kwai ha dwar u blei sha phang kane ka jylla niam bad mynta ka long thylli ha kaba ym lah ban ia don lang ha kane ka jinglehniam.

Ha ka noh phai sngi la pynlong iai ka jingiaid prosession ha kaba ki paid riew ngiet kila ia shim bynta da ka jingshit rehem wat ha pdeng ka jingpynthud jong ka mariang. Ka jingiaid prosession kala sdang na khmat iing mane bah bad la pynkut ha kalbari da ka jingkyrkhun ia ki paid khristan da ka sacrament bakhuid na ki kti jong u Kardinal.

What Next?

Recent Articles

Leave a Reply

Submit Comment

*