Kem ki pulit Meghalaya 6 ngut ki Nigeria na Ladumsaw ba kynnoh pyniap briew ha Mumbai

Shillong, Jymmang 07: Ki pulit ka jylla Meghalaya kila iathuh ba ha ka jan miet sngi Thohdieng kila ioh ka jingpyntip na ki pulit jong ka sorbah Mumbai ba ki don 6 ngut ki nong Nigeria kiba thmu ban phet sha Bangladesh lyngba ka jylla Meghalaya kiba la shah kynnoh pyniap briew ha Mumbai.

Katkum katei ka  jingpyntip kiba la phah da ka tnad pulit na Mumbai la ong baki hynriew ngut ki nong Nigeria kiba la shah kynnoh ba ki don kti ha ki kam pyniap briew ha Mumbai ki mut phet na Ri India lyngba ka jylla Meghalaya sha Bangladesh.

Haba ki pulit jong ka jylla Meghalaya mar ia ioh ia kane ka jignpyntip kila pynap ktem ha kylleng ki surok kiba lam sha Bangladesh bad ha kane ka jingpynap ktem la ioh ban kem na Ladumsaw ha Ri Bhoi District katba ki dang na wan na Guwahati kiba wan da ka kali Sumo ML 10 B 9779 kine ki thmu ban leit sha Bangladesh lyngba ka Dawki.

Ki hynriew ngut kiba la shah kem la tip kyrteng kum u Ahukanna Chinonso 46 snem, Eze Christopher Obasi 43 snem, Obi Francis Osita  36 snem, Emmanuel Agbeyi  37 snem, Osagiede Godstime 38 snem.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet