Ki kor thep vote EVM bad VVPAT, ki biang, ka jingthut dei na ka jingbakla briew

Shillong, Naiwieng 14: Ka tnad ilekshon jong ka sorkar jylla bad ka Shillong Press Club mynta ka sngi kila pynlong ia ka jingiathier halor ki Kor thep Vote EVM bad VVPAT kiba pyndon kam ha ka thep vote na ka bynta ka ilkeshon MP bad MLA ha ka ri India ia kaba la pynlong ha Shillong Club.Ha kane ka jingthier halor ka phang hato ki mashin thep vote EVM bad VVPAT ki long ki mashin kiba lah ban shaniah ba kim jingjingthut ha kaba thep ia ka vote.

Ha kane ka jingiathir halor kine ki kor EVM bad VVPAT la pyniaid da u Manas Choudhury  myntri ba rim jogn ka sorkar jylla, bad kiba la ia don lang ban ia pyninia ha kane ki long u Bah FR Kharkongor  CEO jong ka tnad ilekshon jong ka sorkar jylla, u Bah Alantry Dkhar nongai buid ia u myntri rangbah ka jylla bad u Prof. Satpathy na ka skul bah NEHU.

Ha ka jingkren jong u CEO ka jylla Meghalaya, u la ong ba kine ki mashin ki long kiba biang ha kaba yn nym lah ban leh thok bad mynta lei pyndon kam ia ki VVPAT ryngkat ki EVM ha kaba u briew ba thep vote un tip la kaba u thep ka dei shisha namar kan mih ka shap kaba u ne ka u thep. Haba ia dei bad ka jingthut hangne hangtai la ong ba kam dei na ka ki mashin hynrei kan dei na ka jingbakal briew ia kane ym lah ban lait.

U Prof. Satpathy, u la ong ba kine ki mashin ki long kiba biang kim don kano kano ka jingthup bad yn nym lah ban leh thok ha kaba thep vote, hynrei dang don kam ban pynbha shuh shuh ia ki ban wanrah ia ka jingshaniah ha ki paidbah kiba ka Ri India kiba bun dei kiba dang duna ha ka jingnang jingtip. U la ong ba ka Election Commission jong ka Ri India ka dang hap ban pynlong ia shibun ki jingpynshai paidbah halor kine ki mashin.

Na ka liang jong u Bah Alantry Dkhar ha ka jingkren ka jong u u la pynpaw, ba ha duh mynta ym pat don ka jingshaniah ha kaba pyndon kam ia kine ki mashin, wat ka ka seng Congress kala dep ban ai da ka jingthoh sha ka Election Commission kaba 15 sla halor ka jingbym don ka jingshaniah ha kine ki mashin.

Na ka  jingkren jong u Bah Dkhar, u ba dei u wei na ki nongialam seng sain pyrthei u la ong ba, haduh mynta kam don kata ka jingshaniah kaba pura ha kine ki mashin, hynrei ban phai biang sha ka juk ba mynshuwa ban thep vote da ka kot yn nym lah ban leh, hynrei kaei kaba lah ban leh ka long ba lada long kaba lah ba ia ka shap ai u nongthep vote un ioh ban shim bad thep pat ha kawei ka synduk u la pashat jingmut.

Ha dien ka jingiathier ha kane ka sngi, kala poi sha kawei ka sur ba kine ki mashim kiba pyndon kam ha ka ilekshon ban thep vote ki long kiba biang bad kiba lah ban shaniah, hynrei ka jingbym lah ban shaniah ia ki ka long namar ka jingbakla briew, na ka liang jong ki briew kiba la aiti ba kin pyndom kam ha ka por thep vote.

What Next?

Recent Articles

Leave a Reply

Submit Comment

*