Ki kyndon na ka bynta ki nongthoh khubor ban tehlakam ia ki khubor thok

New Delhi, Iaiong 03: Haba la iohi ia ka jingbun ki khubor thok ba la mih ha ki lad pathai khubor bapher bapher, ka sorkar pdeng ka la pynkylla ia ki kyndon na ka bynta ki nongthoh khubor. Mynta haba la ioh ia kino kino ki jingujor ba iadei bad ki khubor thok, ia kine hap ban ai sha ka Press Council of India (PCI) lada ki iadei bad ki kotkhubor bad sha ka News Broadcasters Association (NBA) lada ki iadei bad ki TV channel, ban pynthikna lada kidei kiba thok ne em.

Ka PCI bad ka NBA kidei ban pyndep ia la ka kamram ha kaba iadei bad kine hapoh ka 15 sngi. Haba la pdiang ia kum kine ki jingujor, ki nongthoh khubor kiba la thoh ia kum kine ki jait khubor lane kiba pynsapriang ia kum kine ki jait khubor, kin shah sospon noh ia ka accreditation jong ki haduh ba ka PCI lane NBA ka la ai ia la ka rai.

Ka Accreditation Committee jong ka PIB ba kynthup ia ki dkhot na ka PCI bad NBA kan hap ban pynshisha ia kano kano ka jingkyrpad ba la phah da kano kano ka news media agency ban ioh ia ka accreditation. Lada lap ba don shisha ka khubor thok ba la pynmih da kine ki lad pathai khubor, yn sospon noh ia ka accreditation jong ki haduh 6 bnai haba bakla nyngkong, shi snem ha ka jingbakla ba ar bad yn pynduh noh syndon ia ka accreditation ha ka sien kaba lai.

Haba bishar ia ki jingkyrpad ban ioh accreditation, ki bor ba dei peit ki dei ban bishar bniah lada ki nongthoh khubor ki bat shisha ne em ia ka `Norms of Journalistic Conduct’ bad ka `Code of Ethics and Broadcasting Standards’ ba la buh da ka PCI bad NBA. Kadei ka kamram jong ki nongthoh khubor ba kin bud ia kine ki kyndon ba la buh.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet