Shillong, Rymphang 07: Mynta ka sngi kut ka jingthep kyrteng ban ia khun ia ka MLA elekshon sha ka iing dorbar tahwain ka jylla ki don 139 ngut, na kine 12 ngut ki kynthei bad 127 ngut ki shynrang.
Ka ophis jong u Chief Electoral Officer mynta ka kala pyntip ba baroh kiba la thep kyrteng ban ia khun ia kane ka MLA ka elekshon baroh ki don 379 ngut, ki shynrang baroh ki long 342 ngut bad ki kynthei ki don 37 ngut.
Ka jingthep kyrteng jong ki kyrtong katkum ki District ka long ba, ha West Jaintia Hills ki don 27 ngut, East Jaintia Hills ki don 13 ngut, 10 ngut ki shynrang, 3 ngut ki kynthei, Ri Bhoi District 35 ngut, ki shynrang ki don 28 ngut bad ki kynthei 7 ngut.
Kiba buneh ki kyrtong dei ha East Khasi Hills District ki don 116 ngut, ki shynrang 102 ngut bad ki kynthei 14 ngut, ha Eastern West Khasi Hills District kiba la thep kyrteng ki don 9 ngut, 7 ngut ki shynrang 2 ngut ki kynthei.
Ha West Khasi Hills District kiba la thep kyrteng ki long 21 ngut baroh ki dei ki shynrang, ha South West Khasi Hills District ki don 16 ngut, 14 ngut ki shynrang bad 2 ngut ki kynthei, North Garo Hills 24 ngut baroh ki shynrang.
Ha East Garo Hills, 18 ngut, 16 ngut dei ki shynrang bad 2 ngut ki kynthei, West Garo Hills 69 ngut, 65 ngut ki kynthei bad 4 ngut ki kynthei, South West Garo Hills ki don 15 ngut, 12 ngut ki shynrang bad 3 ngut ki kynthei bad South Garo Hills 16 ngut tang ki shynrang suda.
