ki lehnoh HPDCD ka dei ban sangeh ban pyntriem ia ki Khasi ha shnong Athukhal Assam: KJNU

Jowai, Nohprah 02: Ka seng Khasi Jaintia Natioñal Union (KJNU) kala dawa na ki lehnoh Hmar People Convention Democratic (HPCD), ba ki dei ban sangeh ne weng mardor ia ka jingpyntriem ne pyntieng pynsmiej ia ki jaitbynriew Khasi Pnar kiba shong basah ha shnong Athukhal kaba hap hapoh ka Cachar District, Assam khappud bad jylla Manipur.

Na ka liang u nongialam ka KJNU u ma Niman Shadap, u la ong ba “lada ki jait bynriew Hmar ki iaid shaphrang ban pynthut ne pynwit ia ki para doh parasnam bad lada don kino kino ki jingjia ba sngewsih ia ka jaitbynriew, ki Hmar kiba shong basah hangne hapoh u pud u sam ki dei ban shim ia ka jingkitkhlieh”.

Shuh shuh u nongialam ka KJNU, u la ong ba lada ki Hmar ki kwah ia ka jingiasuk ne ka jingiatiplem para briew kim dei ban bishar ne tuklar ia ka jait bynriew Khasi Pnar. ka KJNU ka kitbok kitrwiang iaki paradoh parasnam kiba don sha katei ka thaiñ, ba kim dei ban shepting ne duh jingkyrmen.

Na ka liang jong ka KJNU bad kiwei kin don ryngkat bad phi wat lada phi don sha jngai ki long kiba la kloi ban ai ka jingiada ia phi, wat sngew khunswet lada ki don hala ka jong ka jong ka jylla, namar ka khyndew ka lah ban pynkhlad hynrei ka snam kam lah ban pyniakhlad la ong u bah Niman Shadap ha ka kyrwoh.

What Next?

Recent Articles

Leave a Reply

Submit Comment

*