Ki long-iing ki dei ban iatreilang ban “quarantine” ia kiba wanphai na bar jylla:FKS

Shillong, Jymmang 12: Ka Federation of Khasi States ka da kyntu jur ia ki nongshong shnong baroh hapoh ka jylla Meghalaya  ban iatreilang ban mynjur ia ka “quarantine” lane ka jingpynshong shipor ha ka jaka kyrpang ia ki paidbah kiba wanphai na bar jylla bad ka FKS ka da sngew dei ban pynshlur ia ka jingai jingmut ki Rangbah Shnong kumba la kyntu da Ka Synjuk ki Rangbah Shnong lyngba ki kor media ha ka 12 tarik May 2020.

Kum ban shu pynkynmaw ka Federation of Khasi States ka la dep ai jingmut sha ka Sorkar Meghalaya naduh ka 1 tarik May 2020 ban thaw ki lad ban quarantine lut ia kiba wanphai sha ka jylla bad ka long kaba sngew dei ban kyrshan bad ban pynshlur ia baroh ki shnong ba kin shim ia ka lad kyrkieh ban pyndonkam ia ki iing skul, iing dorbar, ki community, ki iing mane, kum ki jaka ban quarantine (pynshong kyrpang shipor) ia kiba wanphai sha ka jylla.

Ka dei ka jingshitom ka jingeh kaba rit kaba ngin ia mad ne kynduh kum ki paidbah haba pyrkhat ia ka jing shah pynshong shipor ha ki jaka kyrpang”quarantine”, hynrei ha kawei pat ka liang kan sa long ka jingkyrkhuh ka jingmyntoi bad kan long ka shong suh ka shong shngain khamtam ia kito ki bahaiing jong kito kiba dang wanphai sha ka jylla.Katno kan long kaba la iaid ryntih kaba iaid beit lada jin ba ka Sorkar ka la lah ban pyniaid ia kum kane ka jingpyrkhat sha man ka shnong kham mynshwa.

Ka por ka dang don ka kam ka long kaba kyrkieh bad kan long shisha ka jingiarap ia lade hi lada ki nongshong shnong ki kloi ban ia trei lang ryngkat bad ki bor Dorbar Shnong da kaba ki shim ia ka rai ban pynshong shuwa shipor ia kiba wan phai sha la shnong ha ki jaka kyrpang kum shi bynta ban iada ia ki bahaiing jong ki ha kane ka jingialeh pyrshah ia ka khlam Covid19.

Kumta ngi da kyntu jur ia baroh ki Shnong hapoh ka jylla Meghalaya ban pyrkhat bad ban shim ia kine ki jingai jingmut halor kane ka phang kaba da donkam kyrkieh kaba iadei bad ka jingwanphai ki khadlai hajar ngut tam ne duna ki nongshnong shnong jong ka jylla Meghalaya.

La kyntu ia baroh ki Khlieh Nongsynshar ban thaw lad ban pynsngew ia kine ki jingai jingmut sha ki khun ki hajar kum shi bynta ban ai ka jingpynshai sha ki khun ki hajar halor ka jingmyntoi jong ka jingmut “quarantine” lane ka jingpynshong shipor ha ki jaka kyrpang kum shibynta ba ki longiing kin ioh ka jingsngain ha kaba iadei bad kane kaka jingialeh pyrshah ia ka khlam covid19.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet