Shillong, Nailar 01: U Chief Executive Member jong ka KHADC u bah Titosstarwell Chyne Mynta ka sngi u la khot ia ka jingialang jong baroh ki MDC ban ia kren halor ka jingkwah ka sorkar ban pyntrei kam ia ka “The Code of Criminal Procedure bad ia ka Criminal Procedure Code”. ha baroh kawei ka jylla.
“Nga khot khnang ia kane ka jingialang jong baroh ki MDC kiba don hapoh jong ka Khasi Hills Autonomous District Council baroh 30 ngut, hooid don ki bym shym la lah ban wan don ruh kiba la ia wan”. Ong u bah Chyne.
“Te ka daw ba nyngkong eh ka long ban batai halor kane ka phang ban batai ia baroh khoit ki MDC, kaei ka jingktah lada pyntrei da kane ka jingpynbna sorkar lada pyntrei kam ia ka “The Code of Criminal Procedure bad ia ka Criminal Procedure Code”. la ong u CEM jong ka KHADC.
U CEM jong ka KHADC u la ong ba ha shuwa jong kane kala don ka jingialang hapoh ka sorkar ia kaba la khot da u Commissioner Secretary jong ka District Council Affair, ia ki lai tylli ki District Council, ia kaba la mih khmat da ki ophisar ba dei ia ka tnad ain jong ki District Council bad ki muktiar ha katei ka jingialang kaba la long ha ka sngi thohdieng bala dep kata ka 29/7/2022.
“Kaba mih na kane ka jingialang, shuwa ngan batai ia phi, ka long ba na ka liang jong ka sorkar kala rai ba ba peit biang ia kane ka jingtyrwa “Re-Look ia kane ka Proposal” lane ban khmih bniah shuwa bad ban pynkhreh ruh ia ka “Draft Notification ha kaba ia dei bad kane ka extension ia kane ia ka CPC bad CrPC ha baroh kawei ka Jylla”. La ong biang u CEM ka KHADC.
Ka sorkar kan sap hah ia ka Draft yn saphah sha ki District Council na ka bynta ba kin ai ia ka jingpynsngew (Views) ka jong ngi, ka bynta kaba nyngkong ka long ba ki dang ap shuwa ia ka draft ka ban wan na ka liang jong ka sorkar ia kaba kin sa ia thir bniah hapoh jong ka District Council lane ha ka Executive Committee bad ki muktiar jong ka District Council.
U CEM jong ka KHADC la ong ba ka bynta kaba ar ha kane jingialang mynta ka sngi la ia pynpaw lut hi da ki MDC baroh khoit kiba ia don lang khlem da peit na kano ka party, kane ka dei ka iap ka im jong ka District Council.
Te ha ka jingialang kila iarai mynta ka sngi ba ia kata ka jingiade party ka jong ngi ngin buh sha dien hyrnei ngi wan sha kane ka jingialang da kata ka mynsiem kaba sngewkhia kum ki MDC na ka bynta kane ka kam kaba ktah ia ka iktiar lane ia ka bor jong ka District Council.
“Te ngi la iarai lang ban rai da ka rai “Resolution” sha ka sorkar jylla ha kaba, ngi la ia rai ba ka kane ka Notiifaction kamd ei ban ktah ia ki bor jong ka District Council kiba ladon lypa, hooid ka shong ha ka sorkar jylla kan long kumno ban pyniar ne ban pyntrei kam ia kane ka CPC bad CrPC ha ki iing bishar ki jong ki, hynrei na ka liang jong ka District Council ki ieng beit ha ka nongrim beit ia kaei kaba la juh don, kaei kaba la ju trei kam ha kine ki District Court ki jong ngi, kane dei ban neh shuwa kumta kata ka dei ka rai kaba ngi la shim ban sa phah sha ka sorkar jylla”. La kren shai u bah Chyne.
“Kumjuh ruh ngi la shim ia kawei ka rai, ba kane ka rai ka long ba ngin pyrshah beit naka liang ngi ia ka jingthmu ban pyntrei kam ia ka Limitation Act, kane ruh ka dei kawei ka bynta ba ki kwah ban ia kren bad ka sorkar jylla kita ki long ki rai kaba kila shim ha ka jingiakynduh lang jong baroh ki MDC mynta ka sngi”.
