Shillong, Nailar 06
: U Bah Adelbert Nongrum u la leit ban plie ia ar tylli ki surok jong ka shnong lumkshaid kiba la pyntrei lyngba ka Special Assistance Scheme jong ka KHADC ha ryngkat ka jingia don ryngkat jong ki nongkit kam jong ka Dorbar Shong.
Ka Dorbar Shnong haba ai jingkren ha katei ka jingialan kala ai khublei ia ka jingshim khia u MDC kaba la wanrah ia ka jingmyntoi ia ki nongshnong ka shnong Lumkshaid. Haka tei ka sngi naka liang u Bah Adelbert Nongrum MDC Jaiaw Constituency u la ong haba ai jingkren ba ki nongmih khmat ladei ki MLA lade ki MDC kidei tang kkum ki peon lane ki nong wanrah ia ki scheme kiba ladei lypa ka jong u paidbah lyngba ka jingtyrwa bad ka jingshim khia jong ki Dorbar Shnong.
U la bynrap ruh ba ki surok kin pynsuk ia ka iaid ka ieng jong u paid nongshong shnong dei ban pyndon kam hok, ban pynkhuid bad ban ri sumar ia ka, hynrei u la ban jur ba ka kamram jong ki nongmih khmat kadei ban shna ia ka route map naka bynta ki pateng ki longdien ki mandien lyngba ka Dorbar thawain jong ka sorkar Jylla bad ka District Council.
U la kdew ruh baha ka juk mynta ka kam sain hima sima kala hiar dor namar ki nongmih khmat kiba kamai shimet bad kiba la hikai ruh ia u paidbah ban kamai shimet kaba long pyrshah ia kaei kaba u longshwa manshwa u la hikai ia ngi kata ban tip briew tip blei bad ban kamai ia ka hok.
