Tura, Iaiong 24: Mynta ka sngi u Lazarus Sangma MLA jong ka AITC na Chokpot u la kam ba yn nym don ki MLA na ka party ba kin leit ban pyniasoh bad ka party NPP, ka jingkam ka ba kin don ki MLA ban leit sha ka NPP ka long ka bym don nongrim.
U tei u MLA jong ka AITC u la kubur ba na ka liang jong ka NPP ka pyrshang ban khring ia ki MLA ban ioh tan sha ka NPP bad kane ka jingleh kam dei tang ia ki MLA jong ka AITC hynrei ia kiwei MLA jong kiwei ki party ruh.
U Lazarus MLA jong ka AITC la ong ba kan nym don kata ka jingleit jong ki MLA sha ka NPP ia mynta lane wat ha ki por ban sa wan ruh bad la kynnoh kylla ba ka party NPP ka don ia ki nongialam kiba tlot.
U Nongialam ka AITC la kynnoh kylla ia u nongialam ka NPP u Conrad K Sangma ba ha ka jaka ba un shim ia ka jingkhlieh ia kaei kaba u leh hynrei u la kynnoh kylla bad tei pop ia kiwei pat kane u la kdew ha kaba ia dei bad ka jingsoi soskular ha kaba ia dei bad kam pynbeit pud bad ka jylla Assam.
U MLA ka Chokpot u la kynnoh ba u myntri rangbah ka jylla u la leh kikam kiba ktah ia ka jylla khamtam ha Garo Hills, kum ka pule puthi ka Garo Hills kala shah ktah bha ha kane ka bynta wat la ka party NPP ka kam ba ka tnad pule ka dei kaba ha khmat eh jong ka sorkar.
U la kynnoh ruh ba u myntri rangbah ka jylla yn nym lah ban jop ia ka MLA Election ha u snem 2023 na South Tura namar ki paidbah kila duh ka jingshaniah ha u myntri rangbah ka kynnoh u Lazarus MLA ka AITC.
