Shillong, Naiwieng 18: U president jong ka National People Party u Dr WR Kharlukhi u la ong ba ki MLA ki ban rung sha ka seng NPP kin rung lang ha ka juh ka sngi bad ia kata ka sngi kin a pynbeit ha kaba u National president jong ka seng u Conrad K Sangma yn sa pdiang sngewbha ia ki.
Halor ka jingkynnoh jong ki katto katne ki party ba ka dei ka party garo, khlem da jer kyrteng ia kita ki party na ka liang jong u president jong ka NPP Meghalaya State Unit u la ong ba kane ka long ka jingkynnoh kutlad ka jong ki namar ki iohi ba ki paidbah ki pdiang ia ka seng NPP.
Ka NPP ka dei ka National party, ha kaba ka don saw ngut ki MLA ha Rajashthan, 4 ki MLA ha Maipur, 2 ki MLA ha Meghalaya bad u wei u MP hapoh Lok Sabha bad ka seng NPP kan ioh ban bat ia ka bor ha ka jylla Meghalaya ha dien ka Election jong u snm 2018.
La iathuh ba kum ka party kala dep ban pynkhreh ia ka kot trei kam jong ka seng na ka bynta ka jylla ia kaba la tip kum ka Mission Document ha kaba yn sa pynlait paidbah noh shen. La ong ba ki paidbah ki dei ban buh bha ia kane ka kot bad lada ka NPP kan leh ei ei ki paidbah ki lah ban buh ki jingkylli ia ka sorkar kumba la pruid dak ha ka mission document.
