Shillong, Kyllalyngkot 02: Ki MLA kiba ban pyniasoh sha ka party United Democratic Party (UDP) kin resign ha ka sngi thohdieng ban wan. Ki long bah Process T Sawkmie, bah Mayralborn Syiem, kine na ka party Congress, bah Shitlang Pale na ka TMC, bah Lambor Malngiang Ind bad u bah Renikton L Tongkhar na ka HSPDP.
Ki thymmai khubor ki iathuh ba ha dien ka jingresign noh na ka kam MLA, ha katei ka juh ka sngi yn pdiang burom ia ki san ngut ki MLA sha ka party ha ka jingialang kaba kin sa pynlong ha ophis trei kam jong ka party kaba don ha Laitumkhrah, ka jingpdiang burom yn pdiang da u president ka seng u bah Metbah Lyngdoh ba dei ruh lamphang ka iing dorbar thawain ka jylla.
Ha ka snem 2018, lai ngut na kitei ki MLA kila jop na ka party Congress, bah Process T Sawkmie, bah Mayralborn Syiem, bah Shitlang Pale, na kine u bah Pale u la bud sha ka party TMC, katba ki ar ngut pat kila shah weng shipor na ka party Congress, kine mynta ki poi sha ka UDP, u bah Renikton L Tongkhar dei na ka party HSPDP, bah Lambor Malngiang kum u kyrtong shimet.
Ha ka jingpynlait ia ki kyrtong jong ki kyrtong jong ka party ha ka sien kaba nyngkong ka party UDP kam shym la pynbna ia ki kyrteng na kitei ki konstitwensi kiba ki tei ki MLA ki mih khmat namar ba kim pat resign kum ki MLA, kum ka party ka dang ap ia ki ba kin hiar shuki ban dup lah ban pynbna ia ka kyrteng jong ki.
