Ki niam ki kwah ban ioh jingiarap na ka sorkar ban pynbha ha ki jaka mane blei: AL Hek

Mr AL Hek with Union Minister in Delhi.Shillong, Risaw 15: U myntri ba dei peit ia ka koit ka khiah jong ka sorkar Meghalaya u la ia kynduh ia u myntri ka sorkar pdeng ba dei peit ia ki jngohkai pyrthei u Alphons Kannanthanam ha nongbah Delhi mynta ka sngi.

Ha kane ka jingiakynduh na ka liang jong u myntri ka sorkar Meghalaya u la kyntu ia u myntri ka sorkar pdeng ban mang noh ia ka pisa T.70 klur kaba dei na ka skhim ‘Swadesh Darshan’ kaba la dep ban kular shuwa ka elekshon sha ka iing dorbar thawain ka jylla.

Ha kane ka jingiakynduh na ka liang jong u Bah Hek u la pynsngew sha u myntri ka sorkar pdeng ba ki seng niam bapher bapher, ka seng khasi kila ia kynduh ia u ban pan ia ka jingkyrshan ban pynbha ha ki jaka mane blei ha ki bynta bapher bapher ha kane ka jylla Meghalaya.

U bah Hek u la ong ba u la pan ia ka jingbei pisa na ka sorkar pdeng ia kaei kaba la kular ia ki paidbah jong ka jylla bad na ka liang jong u mytnri ka sorkar pdeng u la ong ban phah ia ki skhim sha ka sorkar pdeng.

Ha kane ka leit sha Delhi u bah Hek u la ia kynduh ruh ia u myntri pla pisa jong ka sorkar pdeng u Arun Jaitley ha kaba u la kyntu ba ia ka ophis jong u Chief Commissioner of Customs and CGST dei ban pynneh ha Shilong bad halor kane ka jingkyrpad la ai ruh ia ka shithi kaba la thoh da u mytnri rangbah kajylla. Na ka liang jong u myntri ka sorkar pdeng u la ong ba un sa peit bniah ia kane.

Haba ia dei bad ka jingpan jingiarap na ka sorkar pdeng ha kaba ia dei bad ka jingdon kam na ka bynta ka National Games ka ban long ha u snem 2022, na ka liang jong u myntri pla pisa ka sorkar pdeng u la ong ba ka tnad ia lehkai jong ka sorkar jylla ka dei ban phah ia ki skhim.

What Next?

Recent Articles

Leave a Reply

Submit Comment

*