Ka Mawlai kam pyrshah ia ki kam pynroi, hynrei kim lah ban pdiang ia ka ktem CrPF: Samuel

Shillong, Rymphang 23:  Mytna ka sngi  ki nongialam seng bahlang kila ialum ha Mawlai Petrol Pump da ka jingthmu ban leit ban pyrshah lada ka don kano kano ka jingwan jurip ia ka jaka kaba don ha Mawlai Nongkwar kaba don ka Tribal Research Institute  jong ka tnad pynneh pynsah riti dustur.

Kane ka jingialang paidbah kala sdang ha ka por shiphew baje ha Mawlai Petrol Pump, kumba la pynbna da u President ka seng Seng Samla Mawlai Pyllun u bah Samuel Biam President bad u bah S Syiem General Secretary ka seng. Kiwei ki seng kiba la wan ban ai don lang ki long ka HYC, ka FKJGP, ka KSU.

Ha kane ka jingialum briew ha Mawlai Petrol Pump na ka liang jong ka Deputy Commissioner jong ka East Khasi Hills District, kala phah ia ka shithi lynba u Block Development ophisar jong ka Mawlai Block ban ai sha u president ka SSMP ban pyntip ba ia kane ka jingthmu ban leit jurip ia katei ka jaka la pynsangeh noh.

Haba kren ha kane ka jinglum paidbah ha kaba la don shibun ki seng, u bah Biam president ka seng u la ong ba wat la ka sorkar kala pynsangeh ia kane ka jingleit ban jurip ia katei ka jaka mynta ka sngi, na ka liang jong ka seng kan dang iai bud dien ban pynthikna ba ka sorkar kam dei ban ai jaka ia ki CrRPF ha ka thain Mawlai.

Lada ka tnad pynneh pynsah riti dustur jong ka sorkar ka don ia kata ka jingthmu ban tei iaki kam pynroi ha kane ka jaka ki nong Mawlai kim pyrshah ia ki kam pynroi, hynrei kim lah ban pdiang ia ka ktem CrPF, namar ki long ki maw jynthud ia ki paidbah nongmawlai, la kyntu ia ka sorkar ba kin rah noh ia ki sha kiwei ki jaka.

Kum ka SSMP kin dang iai bud dien ia kane bad kin leit ban ia kynduh ia ka DC, ia u myntri ka tnad Art bad Cultural bad kum juh ia u mytnri kam poh iing ban pynthikna ba ka sorkar kam dei ban shukor ia ki paidbah nong Mawlai bad ban dawa weng noh ia ki CrPF kiba don ha Mawlai.

U Bah S Syiem General secretary, ha ka jingkren jong u la ong ba ka sorkar ha ka por ba dang ia tieng ia u COVID-19 ka khot kawer ia ki dorbar shnong, ki seng bhalang ki paidbah ban ia treilang, hynrei mynta haba ktah ia ki paidbah pat kam shym la pyntip sha ki dorbar shnong ba kan don ka jingjurip ia kane ka jaka kaba don ha Mawlai, ka jingpyrshah jong ki ka long ba ioh ka sorkar ka thmu ban buh ia ka ktem CrRPF ha kane ka jaka.

 

What Next?

Recent Articles

Leave a Reply

Submit Comment

*