Williamnagar, Iaiong 30: U Principal Chief Conservator jong ka tnad khlaw u Bah Y. Shullai, mynta ka sngi u la ong ba ki nongap khlaw ki long kiba don kam haduh katta katta bad ki don kam ia ki buid jingstad kiba katkum kane ka juk kaba mynta ha kaba pyndep ia ki kam jong ki ban khanglad ia ki nongpynjot khlaw.
Ki nongtrei kiba ap ia ki khlaw ki long kiba don kam haduh katta katta namar dei ma kiba han ban khanglad ia ki nongpynjot khlaw bad dei na ki ban ai ka jingiada na kane ka jingkhluid tyrha jong ka pyrthei, ia kane u la kren ka jingialang kaba 23th jong ka Meghalaya Forest Training School ha Baija ha Williamnagar, East Garo Hills.
Kane ka jaka hikai kaba don ha Williamnagar ka long kaba la bit la biang na ka bynta ki nongtrei ban ap khlaw kumno ban tehlakam ia ki nongpynjot khlaw. Kane ka jinghikai ban iada ia ki khlaw ka dei ka jinghikai kaba long na ka bynta 11 bnai. Ha kane ka kynti kaba mynta kiba la shah hikai kyrpang ban iada ia ki khlaw ki long 14 ngut kynthei bad shynrang.
Nalor jong u PCCF u Bah Y Shullai, kiba la ia don lang ha kane ka sngi ki long u Dr Subhash Ashutosh u ba dei peit ia ka jingkylla ka mariang bad u principal ba deipeit ia ka MFTS u Arpiyush Sangma.
