Shillong, Lber 28: Ka tnad sorkar kaba dei peit ia ka khaii bad peteng bad kikam karkhana ha kane ka jylla kala pynlong ia ka jingiakynduh lang ban ia mir jingmut kumno ban kyntiew ia ka jingpynmih ia ki marbam, ka rukom song bad kum juh ban pynlong kum ki jaka jngohkai pyrthei hapoh jong ka skhim National Mission on Food Processing.
Haba ia shim bynta ha kane ka jingialang, ha ka sngi pynkut mynta ka sngi u myntri rangbah ka jylla u Dr Mukul Sangma ha ka jingkren ka jong u u la ong ba kane ka long kaba don shisha ban ia mir jingmut. La ong ba ka sorkar kala plie shibun ki lad ki lynti na ka bynta ki samla ba kin kiew ha ki kam ki jam ki jong ki.
U myntri rangbah u la ong ba ki karkhana pynmih bad bad ka jingkhuid jong ki bam ki dih ka long kaba don kam haduh katta katta bad ki dei ban long kiba lah ban khring ia ki nongthied kiba riew spah, u la ong ia ki nongkhaii ba kin peit ia ki lad ki lynti kiba lah ban leh ha ka rep ka riang, na ki soh ki pai, kum juh ha ka liang jong ki kam jngohkai pyrthei bad kin kiew ha ki kam khaii pateng ka jong ki.
Haka jingkren jong u Chairman ka MIDC u Bah AL Hek u la ong ba ka jylla Meghalaya ka don ia shibun ki jaid soh kiba lah ban pynkylla ia ki ha kiba bun ki liang bad kane kan long kum ka lad ai kam ai jam la kyntu ia ka tnad khaii pateng ba kan plie ia ki lad ki lynti ia ki samla ha ki kam ki kam ki jong ki kham tam ha kaba pynmih ia ki jingbam.
Ha kane ka jingialang kaba ar sngi la ia kren halor ka rukom ban pynmih ia ki jingbam, kumno ban leh ha kaba song ia ki marbam, da kaba pyndon kam lang ia ka buit jong u men barim bad kane ka juk stad kaba mynta.
Kiwei kiba la kren ha kane ka jingialang ki long ka kong MB Roy Director ka tand khaii pateng u Dr B Das Deputy Director, na ka Indian Institute of Packaging, Kolkata, u Dr Basanti Baroova, Professor, Indian Institute jong ka Crop Processing Technology, Guwahati. Ha kane ka sngi la don lang ruh u PW Ingty Additional Chief Secretary bad kiwei ki heh sorkar.
