Shillong, Lber 05: Wat hapdeng ka jingioh kem jong ki shipai BSF ia ki nongkhaii Masi na India sha Bangladesh ka jan man ka sngi, hynrei kine ki nongkhaii masi ki dang shlur ban kim salia namar ka jur palat ka jingioh nong kam ki shipai BSF.
Ha ka jingiakhynra lang hapdeng ki shipai BSF bad ki pulit jong ka jylla Meghalaya ha Gopinathkila, South West Garo Hills district bad ha kane ka jingkhynra kila ioh ban kem hynriew ngut ki briew kiba don kti hakane ka kam khaii masi tuh bad kita ki long Diman naka shnong Fokachindi, u Jodha D Marak ,u Ponam Marak na ka shnong Hathimara, u Dalu, Artish M Marak na ka shnong Radangpara,u Namzan A Marak na ka shnong bad Bansang M Marak na ka shnong Hatimara, baroh kine ki dei na West Garo Hills District bad na kine ki briew la ioh ban bat haduh 35 tylli ki masi.
Kum kane ka jingkem Masi ki BSF kila ioh ban kem na Iew Thymmai jong ka East Khasi Hills district bad na Balughat, South West Garo Hills District ha kaba la ioh ban bat haduh 72 tylli ki masi na kine ki ar jaka bad ka dor jong ki masi baroh kiba la ioh ban bat kala kot sha ka T.10 lak tyngka.
Ki shipai BSF ki sngewthuh ba kane ka jingshlur jong ki nongkhaii masi tuh sha Bangladesh ka jylla bha bad kim Salia wat ia la kajong ka jingum na ka daw ba ka jingiohnong ka long kaba jur bha haduh katta katta, ym tang kata kine ki nongkhaii tuh mynta ym tang ba ki shlur ki kloi ruh ban ialeh pyrshah.
Kane ka jingioh lad jong ki briew ban khaii tuh wat hapdeng ka jingpahara bha jong ki shipai BSF ha khappud ka dei na ka daw bay m pat lah ban ker ksainar shiah lut ia baroh ki jaka ha kane ka jylla Meghalaya ha khappud bad ka Bangladesh.
