Ki nongrep kiba shah ot kilo ha Iewduh kin leitujor sha ki pulit syiem ha Iewduh: Jambor

Shillong, Naitung 23: U Executive Member ba dei peit ia ka iew ka hap hapoh jong ka KHADC u Bah Jambor War haba jubab ia ka jingkylli jong u Bah R V Lyngdoh MDC halor ka jingshah ot kilo ki nongrep ha Iewduh, u la iathuh ba ki nongrep lada ki shah ot kilo ki lah ban leit ujor sha ki pulit syiem ha khlieh Iewduh.

Na ka liang jong u EM Bah War u la iathuh hapoh ka iing dorbar ba halor ka jingshah ot kilo ki nongrep ka KHADC kala thaw ia ka Kommittee kaba la khlieh da u Deputy Chief Executive Member bad la don lang sa khyndai ngut kiwei pat ki dkhot hapoh kane ka Kommittee.

Ha dien bala thaw ia kane ka Kommittee, kila ia kynduh bun sien ba ia kren ha kaba kila khot ruh ia u Syiem jong ka Hima Mylliem bad kum juh ia ki nongrep bad ia ki nongkhaii ban ia mir jingmut halor kane ka phang bad na ka liang jong ka Hima Mylliem ruh kala dep ban pynbna ba la khang pyrshah ia kane ka jingot kilo.

Haba ia dei bad ka jingkren jong u Bah Charles Marngar MDC  bad u Bah Karnes Sohshang MDC bad ba ki nongthied na sha bar ka jylla mynta ki leit beit sha ki jaka rep ban thied ia ki marrep, na ka liang jong u Bah War u la ong ba ka ophis kan sa wad jingtip ha kaba ia dei bad kane ka phang.

U Bah Victor Ranee EM ba dei peit ia ka tnad khlaw haba jubab ia ka jingkylli jong u Bah RV Lyngdoh MDC la iathuh hapoh ka iing dorbar ba na ka liang jong ka Executive Committee kala shim bun ki lad ki lynti kumno ban iada ia ki khlaw kyntup ia ka Working Scheme katkum ka rai jong ka iing bishar ba ha khliehduh jong ka Ri India.

Haba ia dei bad ka skhim Community Level Scope Project kumba ka la dew da u MDC jong ka Nongkrem u Bah Lambor Malangniang, ba ka sorkar jylla kala ioh T.350 klur na ka World Bank, halor kane kin sa leit ban ia kynduh ia u myntri ka tnad khlaw jong ka sorkar jylla, la ong u Bah Victor.

 

 

What Next?

Recent Articles

Leave a Reply

Submit Comment

*