Ki Nongtrei ASHA ha ki Aganwadi Centre ki long kum ki nongkti ktien Syiem: Banteidor

Banteidor MDCShillong, Nailur 10: Ka Ri India hi baroh kawei kala rakhe ia ka National Nutrition Week naduh ka 1 tarik  haduh ka 7 tarik Nailur kum ka taiew ban pynbiang ka bam ia ki long kmie bad ki khynnah. Ha East Khasi Hills District ruh la rakhe ia ka National Nutrition Week da ki programme kiba pher bapher ha kaba la pynlong da ka World Vision India, East Khasi Hills ha ryngkat ka jing ia treilang Health Department & ICDS Mawkynrew Block , ha Holy Cross Higher Secondary School Mawkynrew

La pynhap pyrda noh ia kane ka jingrakhe ia ka National Nutrition Week ha Holy Cross Higher Secondary School Mawkynrew ha ka jingialang kaba iphuh iphieng bad kaba i shongkun namar la wan ban ia shimbynta da kiba bun ki Longkmie, ki khun samla na ki shnong bapher bapher kiba hap hapoh jong ka Mawkynrew Block kynthup ruh ia ki Nongtrei ASHA ha ki Aganwadi Centre bapher bapher.

Ha kane ka sngi la ioh ia ka jingkren pdiang sngewbha & Presentation na i Kong B.Rynjah, Child Development Project Officer Mawkynrew, La pyni Showcase ruh ia ki programme ki baher bapher ia kiba la pynlong ha baroh shitaiew lynter da i Dr. B.Syiem, Block Medical Officer Mawkynrew, la ioh ruh ia ka jingialehkai Drama Lyngkot ha ki Nongtrei Aganwadi, kiwei pat kiba la ai jingkren ha kane ka sngi ki kynthup ia i Dr. Ranee, District Medical & Child Health Officer, East Khasi Hills, bah W. Marbaniang BDO Mawkynrew Block, Miss Grace Gangte, Technical & Specialist of Nutrition  bad ia ka jingkren ai khublei na u Seijang Haokip, Programme Manager, World Vision India.

Hashwa ban ioh ia ka jingkren na u Kongsan ha katei ka sngi na ka liang jong ka World Vision India, East Khasi Hills kala pynkup burom kyrpang ruh ia ki katto katne ngut ki Nongtrei ASHA ha ki Aganwadi Centre bapher bapher kiba la trei shitom kum ka dak ka jing ai mynsiem ba kin nang lah ban ai ka jingshakri kaba khambha ha ki por ki ban dang wan baroh.

Haba kren kum u Kongsan ha katei ka sngi na ka liang jong u Bah Banteidor Lyngdoh (Bah Pai), MDC Mawkynrew Constituency u la ai khublei ia ka World Vision India, East Khasi Hills kaba la ia treilang ryngkat  bad ka Health Department & ICDS Mawkynrew Block kiba la trei borbah ban pynlong ia katei ka jingrakhe ia ka National Nutrition Week kaba jop.

Ha kajuh ka por na ka liang jong u Bah Banteidor Lyngdoh, MDC Mawkynrew Constituency u la ai khublei kyrpang ia ki Nongtrei ASHA ha ki Aganwadi Centre bapher bapher ha kaba u la pyniasyriem kum ki Nongkit Ktien Syiem kiba la trei shitom ban shimkhia ia kane ka bynta ban pyn sngewthuh paidbah ruh ia ka jingdon kam ka jingloit jingkhiah khamtam eh na ka bynta jong ki Longkmie bad kumjuh ruh na ka bynta jong ki khyllung kiba dang dei ban khie ban san. Ha kane ka sngi la ia don ryngkat ruh u Fr. Anthony, Principal Holy Cross Higher Secondary School Mawkynrew.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet