Ki nongtrei jong ka JHADC , kyntup ia ki MDC la san bnai ki khlem ioh tulop: Lakhon Biam

Shillong, Nailur 07: U Bah Lakhon Buiam Chairman jong ka JHADC haba kren ha ki lad pathai khubor ha dien ba la dep ban pdiang sha ka party BJP u la iathuh ba ki nongtrei jong ka JHADC, ki MDC baroh kim pat ioh tulop mynta la san bnai.

Haba jubab ia ki jingkylli u la ong ba ka jingrung jong ki sha ka party BJP ka long ba ki kwah ia ki kam pynroi  bad da ka jingrung ka jong ki kan dang pynkhlain shuh shuh ia ka Executive Committee hapoh jong ka JHADC.

La ong ba da ka jingrung jong ki sha ka BJP kan plie kalad ka lynti na ka bynta ban pynioh ia ki kam pynroi lyngba jong ka JHADC bad ha kine ki sngi kala don ka jingiakynduh ia u myntri ka Tribal Affair jong ka sorkar pdeng ban wad jingiap na ka bynta ka JHADC.

Halor ka jingkynnoh ba ki MDC kiba la rung sha ka party BJP ba kila shet kylla ia ki paidbah, na ka liang jong u Bah Lakhon u la ong ba kim shym la shet ia ki paidbah hynrei ki leh na ka bynta ban wad ia ki lad ki lynti na ka bynta ka roi ka par jong ki paidbah.

What Next?

Recent Articles

Leave a Reply

Submit Comment

*