Shillong, Nohprah 17: Ki nongtrei jong ka EMRI kaba la tip paidbah kum ka 108, kila pynlong mynta ka sngi ia ka jingiakhih da kaba shong kyllain mungor ha Madan Malki nama ha dien shisnem tam ruh ka sorkar kam shym la lah ban pynioh ia ki jingdawa jong ki.
U bah Roypar Kharraswai u la ong ba ki jingdawa kaba ki nongtrei kam EMRI kila buh haduh 36 tylli ki jingdawa na kitei ki 36 tylli kila hiar sha ka 8 tylli hynrei ka sorkar kam shym la lah ban pynioh ia ka jingdawa jong ki. U myntri ka tnad ka koit ka khiah u la kular ban rah ia kane ka kam jong ki sha ka cabinet hynrei kam shym rah shuh sha ka Cabinet.
Na ka liang jong ki nongtrei jong ka EMRI kila ong ba kila don shibun ki jingduna ha ka jingtrei kam bad na ka liang jong ki nongtrei kila dawa ba ka sorkar ka la dei ban shimti noh ha lade bad ba kan wengnoh ia ka GVK.
U bah Karraswai u la ong ba mynta ka kynti kin nym sngap shuh hynrei kin ia bteng ia ka jingdawa jong ki ba ka sorkar ka dei ban ain oh ia ka jingdawa jong ki, khnang ba kan nym don ka jingthut. Ha kaba ia dei bad ka kam ka koit ka khiah ka sorkar kam dei ban aiti sha ki riew shimet.
La ong ba ha u Kyllalyngkot u bnai ban wan 2021 kin dang pynjur ia ki jingiakhih ban khanglad ia ka sorkar ba kan nym khot tender shuh ban aiti ia kane ka EMRI sha ki riew shimet.
