Shillong, Nailar 08: U Director ka tnad ka koit ka khiah la iathuh ba ka dei ka jingshisha ba kito kiba shong Quarantine ha ki jaka bapher bapher kila ia mih na ki Quarantine Centre bad ki iaid ki ieng sha ki jaka paidbah.
Na ka liang jong u Director u la iathuh ba na ka liang jong ka ophis kan sa buh noh da ki ophisar ban peit ba ki nongtrei kim dei ban ioh ban mih, na ka liang jong ka ophis kan sa sa leh ia kaba don kam ban pynshitom ia kiba pynkhein ia ki kyndon bala buh.
La iathuh ba haduh mynta baroh ki nongtrei ka tnad ka koit ka khiah kiba la ioh ia ka jingshitom COVID-19 haduh mynta kila long kumba 50 ngut ei ei bad tang ha East Khasi Hills kila kot sha ka 34 ngut.
Haba ia dei bad ka jingdawa ban weng noh ia ki Containment area kam dei ka kam ba kin weng hi hynrei ki don ki bor sorkar ban peit ia kane bad lada la ibit ban weng kin sa weng kam don ka por ban ong tang la kut 14 sngi hap ban weng.
