Shillong, K.Lyngkot 04: U bah CVD Diengdoh Secretary jong ka sorkar Meghalaya ba dei peit ia ka tnad kam poh iing la bthah ba baroh ki nongtrei sorkar kiba tei ha Secretariat bad ha ki tnad sorkar bapher bapher ba kin apply pass na ki ophis kaba ki trei.
La bthah ia baroh ki khlieh jong ki tnad sorkar ba ha dien ba kila ai ia ka pass sha ki nongtrei kin pyntip sha ophis jong ki Deputy Commissioner hapoh ki District, la bthah ia baroh ki nongtrei sorkar kiba don kali la jong kin hap ban pan pass.
Ki nongtrei ha ki tnad sorkar pdeng kin pan pass na ophis kaba ki trei bad na ka liang jong ki ophisar ba dei peit ia ki tnad sorkar ba kin phah pat ia ki kyrteng sha ophis jong ki Deputy Commissioner hapoh ki District kaba ki don.
Ka pass kaba ki ai dei ban don ka kyrteng, ka kyrdan kaba ki trei ha kata ka ophis bad ia ka pass dei ban shon muhor da ka muhor sorkar bad ia ka pass dei ban ai tang na ka bynta shitaeiw bad ka por ba ka pass kan trei kam kan long tang naduh ka por 9 baje mynstep haduh 8 baje mynmiet.
