Ki nongwan kiew eh rngiew halor u lum kyntang Sohpetbneng, kan long tang kiba la ioh pass

Shillong, Rymphang 03: Kat kum ka hukum ba la pynmih da ka sorkar jylla, No. Pol. 75/2020/Pt1/84,Dt. 2.02.2021 bad ha ki lad pathai khubor ba la pynjynsur ia ka jingbun briew ha ki jaka mane Blei da 75%, kumta, ka Jingkiew Pyneh Rngiew ha u Lum Sohpetbneng ba kyntang ha ka 7 tarik u Rymphang 2021 jong u Khun Khasi-Khara ba ksoh ha la ka Niam Khasi-Niamtre Tynrai, kan long thik kumba la ai jingbit da ka sorkar.

Ha kane ka bynta, ki nongwan kiew eh rngiew na ki Jylli bad tnat Seng Khasi bapher bapher halor u lum kyntang Sohpetbneng, kan long beit thik tang kito ki para riew Seng Khasi kiba la ïoh ïa ki entry pass na ka Seng Khasi Kmie, kaban sam lyngba ki President, Secretary jong ki Jylli jong Tnat Seng Khasi.

Ia ki pass kiba hap ban wan shim napoh ka ophis treikam jong ka Seng Khasi Kmie, kaba ha Mawkhar Shillong, ha ka 5 bad 6 tarik Rymphang 2021 naduh ka por 9:00 AM baje mynstep. Ïa ki entry pass naka bynta ka Seiñ Raij bad Seng Kyntu Seiñ Raij 12 Dolloi la phah ia ki lyngba ki nongïalam ki jong ki.

Ki nongïashim bynta, kin hap ban bud ryngkhing thik ïa ki jingmana bad adong adit jong ka sorkar katta, ban da deng da ki face masks, ban sleh kti-sanitizer, social distancing bad ïa baroh ïa ki kyndon sorkar, ki SOP bad kiwei kiwei ban ïada na kane ka khlam ka ngoh bad ban ïoh ban tehlakam ba kan nym wan khie biang hadien habud.

La mana ruh ba ym shah ban buh kino kino ki dukan bad die jingdie hapoh u pud u sam jong ka Seng Khasi, kane ka long katkum ka kyrwoh bala phah da u bahut I. Sun shongknor Lum Sohpetbneng Kommittee, Seng khasi Seng kmie.

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet