Shillo
ngm Nailur 06: U myntri ba dei peit ia ka tnad sam um jong ka sorkar jylla u Bah Samlin Malngiang mynta ka sngi u la pynlong ia ka jingialang bad ki ophisar kiba don hapoh jong ka East Jiantia Hills District ban ia kren na ka bynta ban pynsted ia ki kam kiba ka sorkar ka pyntrei na ka bynta ka jingmyntoi jong ki paidbah.
Haba kren ha kane ka jingialang na ka liang jong u myntri ka tnad sam um jong ka jylla, u la ong ba ki ophisar ki dei ban aiti ha ka kam na ka bynta ka jingmyntoi jong ki paidbah kiba don hapoh jong ka District baroh kawei namar kaei kaei kaba ka sorkar ka leh ka leh na ka bynta ka roi ka par jong ka jylla ban myntoi ki paidbah.
Ha kane ka jingialang kaba la long mynta ka sngi ha Khliehriat, la don lang u Deputy Commissioner jong ka East Jiantia Hills District u Bah FM Dopth bad baroh ki heh sorkar na ki tnad bapher bapher kiba don ha ka District.
Ha kane ka jingialang bad ki tnad sorkar kila pyniiala ki jong ki jong ki jingtrei kam jong bad ha kane ka jingialang la ia kren ruh kumno ban weng ia ki jingeh kiba don ha ka jingpyntrei kam, ym ban ia kdew kti. Kane ka jingialang ka long ban pynbeit ia ki jingeh kaba ki ia kynduh ha ki tnad sorkar bapher bapher kiba don ha ka District.
