Tura, Jylliew 10: U myntri rangbah ka jylla mynta ka sngi u la pynlong ia ka jingialang ha Tura ban ia kren halor ka koit ka khiah ha kaba u myntri ka tnad ka koit ka khiah u Bah AL Hek u la ia don lang ryngkat ka ki heh ka tnad ka koit ka khiah.
Ha ka jingkren jong u myntri rangbah u la ong ba kane ka sorkar kaba mynta kala buh ia ka thong ba ki paidbah ki dei ban ioh ia ki lad jingsumar kiba biang, dei na kane ka daw ba ka sorkar kala iaid sha khmat ban pyntrei kam ia ka kshim “Pradhan Mantri Jan Arogya Yojana” ha ka jylla.
Na ka liang jong u myntri rangbah u la kyntu ia ki ophisar baroh ba kin wad ki lad ki lynti ban weng ia ki jingeh kiba ka tnad ka koit ka khiah ka ia kynduh. U myntri rangbah u la ong ba ka sorkar kan sa pynbeit ia ka rukom thied ia ki dawai na ka bynta ka jindon kam ki paidbah.
U Myntri rangbah u la ong ba ki jaka ai jingsumar ki don kam ia ki Ambulancen, ka light, ka jaka pynkhuid um, jaka buh dawai, kine ki long kiba don kam ha ki jaka ai jingsumar . Ban pynbha ia ki jaka ai jingsumar sha ki nongkyndong ka dei ka thong jong ka sorkar.
Haba ia dei bad ka bam ruh ka long kaba don kam ha kaba hap ban peit bniah bad ia ki jingbam don kam ban da test bah ia ki khamtam ia ki jingduh ba long kynja um. Ha kane ka sngi la pynlait paidbah ruh ia ka kali “food Safety van” na ka bynta ka Garo Hills ia kaba la pynlait da u myntri rangbah ka jylla.
