Shillong, Lber 19: U bah Process T Sawkmie ba dei Chief Whip na ka liang pyrshah haba wanrah ia ka jingdawa ban pynkylla ia ka jingkren jong u Lat hapoh ka iing dorbar thawain ka jylla ha ka sngi sdang ban ia tai ia ka jingkren jong u Lat ka jylla, u la ong ba ka election MLA 2018 kala khampher na kiwei ki election haba ki paibah jong ka jylla kila kham noh sha ki national party, kum ka Congress, NPP bad ka BJP.
Haka jingkren jong u Bah Process u la ong ba baroh 58 ngut ki MLA hapoh ka iing dorbar kin ia kren na ka bynta ka roi ka par jong ka jylla ha baroh ki liang. U la ong ba dei ha u snem 2014 haba ka sorkar BJP ha Delhi kala wanrah ia ka jingpynkylla ia ka pisa kane kala ktah ia ka ioh kam ioh jam bad ha ki kam pynroi baroh namar kumba ka long mynta ki kam sorkar kila duna.
Ha ka jingkren jong u Bah Process u la ong ba ka sorkar BJP kala ong ba lada ka wan ha ka bor hapoh 180 sngi kin pynlait noh ia u dewiong, haba ia dei bad ka jingsam um sha ki paidbah, u la ong ba ka don ka jingiashurud ha pdeng ka PHE bad ka PWD bad ka jingeh ka leit sha u paidbah haba kine ki ar tylli ki tnad sorkar ki ia shrud ka sorkar ka dei ban weng ia kane ka jingeh.
Haba kren ha kaba ia dei bad ka jingwantuid jong ki briew, u bah Process u la ai khublei ia ka tnad Election kaba la lah ban pynkot ia ki nongthep vote hapoh ka jylla sha ka 18 lak ngut, hynrei u la buh ka jingkylli hato kine ki briew ki dei tang ki Garo Khasi bad ki Jaintia ne kumno u la kylli.
Haba phai sha ka Mawlai, u la kyntu ia ka sorkar ba ka dei ban pynsted noh ia ka jingshna ia ka Mawlai By Pass bad u la ong na ka liang jong u kontraktor u ba shna ia kane ka surok um sngap wat ia ki engineer lada don kamb an pynduh ia ka kontrak jongu dei ban leh na ka bynta ban kloi ka kam.
Na ka liang jong u bah Procees u la kren ruh ia ka jingduh khaw jong kiba duk, ka jingeh jong ki paidbah ha kaba ia dei bad ka GST. U la ong ba la don kam ia ka jingkieng iaid kali na suin ban pynlait ia ka jingdheng kali hapoh kane ka sor Shillong bad ka sorkar ka dei ban wad jaka bret niut noh sha wei bad ban pynkylla ia ka Marten sha ka jaka ialehkai.
