Shillong, Naitung 26: U Chief Engineer (C), Maintenance bad Small Hydro, MePGCL, Shillong u la ong ba na ka daw jong ka jingjur jong u slap ha kine ki sngi ka um kaba donha ka dam Umiam kala kiew haduh 3205.62 ft ha ka por 10.30 am mynta ka sngi 26.7.17.
Kumba ka long ka suin bneng mynta kan dang lah ban slap bad lada slap na ka liang jong ka MePGDCL ka hap ban pynlait ia ka um na kane ka Dam Umiam, lada pynlait ia ka um kan don ka jingkiew kynsan jong ka um ha ka wah Umiam, la bethah ia ki paidbah ba kin long kiba husiar ban nym tur sha rud wah lane ban leit trei leit ktah sha jan wah.
Na ka liang jong ka MePGDCL kala ong ba kan ialeh katba lah ba lada pynlait ia ka um na kane ka pung umiam ruh kin pyrshang ban pynduna khnang ba kan nym don kano kano ka jingktah ia ki paidbah kiba shnong sha rum jong ka wan Umiam.
