Ki paidbah kim dei ban ailad ia ka sorkar NDA ha kane ka sien kaba ar: Dr Celestine

Shillong, Lber 18: U President jong ka Meghalaya Pradesh Congress Committee (MPCC) u Dr Celestine Lyngdoh ha ka jingiadon lang bad u kyrtong MP jong ka party u Bah Vincent H Pala na ka 1-Shillong Parliamentary Seat ha kane ka kynti kaba mynta ha kaba ka ilelshon kan sa long ha ka 11 tarik jong u Iaiong 2019.

Haba kren ha ki nongthoh khubor mynta ka sngi ha Shillong Press Club la ong ba ka party Congress ka pan jingkyrshan sa shisien na ki paidbah ha kane ka kynti kaba mynta na ki paidbah jong kane ka konstitwensi na ka bynta u kyrtong ka party.

Ha kane ka sngi u president jong ka MPCC u Dr Celestine Lyngdoh, u la ong ba ia ka sorkar NDA hapoh ka jingialam jong ka BJP ym dei ban ailad biang ba kan dang wan ha ka bor sa shien, ki daw kiba  u la ai ka long ba kala hiar palat ka ioh kam ioh jam, ka BJP mynta kam don da kawei ka daw ka long shu ong ba ki dei ki “shakidar”.

Haba phai sha ka dong shatei lam mih ngi, u president jong ka MPCC u la ong ba ka Reliance Company haba ka wan sha North East ban ioh mobile konektion kala shim T.3000 tyngka na u wei bad ka da kular ban pynphai noh ia kane ka pisa, hynrei haba ka mih na North East ka khlem pynphai ia kane ka pisa sha ki paidbah.

U Dr Celestine u la kynnoh ba la don palat shiklur ngut ki briew bala shim ia ka Reliance konektion shaei ka jah kane ka pisa, hynrei ka sorkar BJP ka dang ia trei kam bad kum kane ka kompnei, yn tang katne hynrei ka ophis jong ka CBI kala kylla thamula ha kane ka sorkar BJP, la kynnoh u president ka MPCC.

 

 

 

What Next?

Recent Articles

Leave a Reply

Submit Comment

*