Shillong, Naitung 26: U trai jong ka Lunia Marketing private Limited Bara Bazar, u Manoj Lunia u laong ba ha duh mynta um don u ta u khaw plastic, halor ka jingmih ha ki lad pathai khubor ba ka don u khlaw ba la khleh khaw plastic ka long ka bym shisha.
U la ong “Ngi la tohkit bniah ia kane ka jingjia bad kila leit ban wad ruh ia kiba ong ba dei u khaw ba la khleh khaw plastic ban lap ia ka jingshisha, hynrei kim lap” kane ka jingmih ki hamsaia ha ki lad khubor ka dei tang ka kam shukor jongno re jongno kaba ki dang phah wad bnaih ban lap ia ka ki jingshisha”.
Haba la kylli hato kane ka lah ban long leh se u dei u khaw ba la shallan tuh na Ri China, na ka liang jong u Lunia, u la ong ba haduh mynta ym pat don uta u khaw plastic, ki paidbah kidei ban sngewthuh shai kdar ia kane. Ia kum kine ki jaid khubor la mih ruh ha ki wei ki jylla kum ha Telangana ha kaba ka sorkar kala phah ban tohkit.
Na ka liang jong ka Lunia Marketing private Limited Bara Bazar, ha man kawei pa kawei ka byrni khaw kala buh ia u phone number jong ka company bad lada ki nongthied ki lap ba ka don kano kano ka jingpher ha u khaw kilah ban phone sha ka company bad na ka liang jong ka kompeni lada dei ban bujli ia u khaw kin bujli.
Kane ka jingong ong ba don plastic ka long ka bym shongnia bad ka bym don nongrim bad ym juh don hi ruh u ta u khlaw plastic, ki paidbah kim dei ban khuslai ia kane, na ka liang jong ka company ka da bniah bha ha kaba ia dei bad ki khaw kiba ka die sha u paidbah.
