Ki parliamentary Secretary kila risain bad nga la pdiang ia ka jinghiar shuki: Dr Mukul

Shillong NaiwieChief Minister Dr Mukulng 09: U myntri rangbah ka jong ka jylla u Dr Mukul Sangma u la iathuh ba baroh ki parliamentary Secretary kila risain mynta ka sngi bad na ka liang jong u ruh u la pdiang ia ka jinghiar shuki ka jong ki, la ong u myntri rangbah ka jylla u Dr Mukul Sangma.

Haba kren ha ki nongthoh khubor mynta ka sngi u la ong ba na ka liang jong ki parliamentary Secretary kila ia kynduh ia u bad kila ai ia ki shithi hiar shuki jong ki khlem da ap haduh ban da ioh ia ka rai jong ka iing bishar ba don burom, Na ka liang jong u ruh u la pdiang ia kane ka jinghiar shuki ka jong ki.

Kane ka rai jong ka iing bishar, halor ka jingthung ia ki parliamentary Secretary kala long ka jingktah kaba jur ia kane ka sorkar kaba la ialam da ka seng Congress. Da kane ka rai ka “Meghalaya Parliamentary Secretaries (Appointment, Salaries, Allowances and Miscellaneous Provisions) Act,” jong u snem  2005 la ong ba ka long kaba khlem nongrim bad la pynduh noh ia ka.

Kane ka jinghiar shuki jong ki Parliamentary secretary ka long ba ki don ha ka jingeh ba ioh ki shah pynduh ia ka jinglong dkhot kum ki MLA.

What Next?

Recent Articles

Leave a Reply

Submit Comment
*