Shillong Rymphang 24: Ka All India Poetess Conference (AIPC) Meghalaya Chapter, hynne ka sngi kala sam ia ki khusnam sha ki nongjop ha ka jingiakob kaba la tip kum ka Sixth Meghalaya Poetry Competition Cum Poetry Festival ha ka jingialang kaba la long ha Dinam Hall Jaiaw, Shillong.
Ia kane ka jingiakob la pynlong ha u snem ba la dep ha kaba palat 400 ngut ki samla pule bad ki khynnah skul na kylleng kane ka jylla kila iashimbynta ha ka jingiakob thoh poitri ha ka ktien Khasi, Garo, Hindi bad English bad kila don haduh 54 ngut ki nongjop ha ki kyrdan bapher bapher.
Ka jingthmu jong kane ka jingiakob ka dei kum shi bynta ban plie lad ia ki samla ka jylla ba kin pyni iaka sap ha ka thoh poetry bad hakajuh ka por ban pynshlur ia ki ba kin thoh ia ki poitri.
Ka Kong I Majaw kaba dei ka Additional Deputy Commissioner ka East Khasi Hills haba kren kum ka kongsan kala ai jingiaroh ia kane ka kynhun kaba ialeh ban pynsaphriang bad pynshlur ia ki samla ban ia thoh ia ki poitri bad kala ong ba ki potri ki long kiba khlain bor kiba lah ban wanrah ia ka jingkylla ha ka pyrkhat pyrdain.
Ki nongjop ha kane ka jingaiakob kila ioh pdiang ia ka khusnam ryngkat bad ka song tyngka bad ha kane ka sngi la ioh iaka jingpule poitri na ki nongjop bad la pyllait paidbah ia ka kot kaba la pynmih daka AIPC kaba la pynrung tang ia ka poitri jong ki nongjop ha kane ka kot.
Ha kane ka sngi la ioh ruh iaka ka jingkren na ka President ka AIPC Meghalaya ka Dr Streamlet Dkhar, ka General Secretary AIPC Meghalaya ka kong Minimon Laloo bad la iadonlang ki dkhot jong ka Khasi Authors Society, ki riewpawkhmat ka jylla, ki nonghikai skul bad kiwei kiwei.
