Shillong, Naitung 09: Ki pulit jong ka West Jiantia Hills District da ka jingiatreilang bad ka ophis jong District Child Protection Unit (DCPU), kila pynlong ia ka jingai jinghikai ha kaba ia dei bad ka ain “Juvenile Justice (Care and Protection of Children) Act 2015 and on Protection of Children from Sexual offences (POCSO) Act 2012” ha Jowai.
Ha kane ka jingai jinghikai bun bah ki briew kiba la poi ban ia shim bynta, u heh pulit jong ka WJH District, ka Child Line, Medical Superintendent Civil Hospital jong ka Ialong, ki pulit ophisar bad bun ki riew pawkhmat.
Ka phang pdeng jong kane ka jingai jinghikai ka long kumno ban ia da ia ki khynnah na ka jingshah leh kynshlein bad na ka jingshah die ia ki. Kane kan iarap ia ki pulit ban kin sngewthuh kino ki jaka kiba lah ban jia kum kine ki jingjia kaba ki khynnah ki lah ban shah leh khlemrain lane kin shah die na ka bynta ki kam awaria.
Ha kane ka jingai jinghikai la pynsngewthuh ba ki rangbah shnong ki dei ban kyntu ia ki paidbah nongshong shnong ba ki don kam ban ioh ia ka sertiphiket sngi kha. Lada jia ba ki khynnah ki sha leh beijot dei ban bud bha ia ki kyndon kiba la buh. La kyntu ia ki paidbah ba kin ai ka jingiatrei lang ban dup lah ban pyndep ia ki jingthohkit hapoh ar bnai.
