S
hillong, Lber 15: U Myntri rangbah ka jylla u Conrad K Sangma haba kren ha ka jingialang jong ka CBCI ba dei ia ki riewlum, u la ong ba ki samla jong ka jylla kim dei ban peit ia ki lad ki lynti ioh kam ym tang hapoh ka jylla hynrei wat sha bar jong ka jylla ruh kum juh. U la ong ba ki samla kane ka thain ki lah ban ia khun bad kiwei ruh khlem da shaniah ha ka bhah kam kyrpang.
UMyntri rangbah u la ong ba bun na ki riewlum ha ka Ri India ki long shisha kiba duna ha ka ioh ka kot bad ki long kiba shah iehbein, hynrei da ka jingdon jong ki lad pathai khubor kala wanrah ia ka jingkylla ha ka pyrkhat pyrdain.
U la ong ba kane ka sorkar ka jong u mynta kala shim ia ka rai ban peit kyrpang na ka bynta ban kyntiew ia ki samla ka jylla. U la ong ba na ka liang jong ka sorkar kan ialeh katba lah ban trei na ka bynta ka bha ka miat jong ki riewlum.
Haba ia dei bad ki jingeh ha kaba pynpoi ia ki kam pynroi sha ki riewlum, u myntri rangah u la ong ban ia nujor bad kiwei ki riewlum kane ka jylla ki long kiba luilui bad kiba shimkhia ia kano kano kaba ki leh. La ong ba “bun ki briew ki niew ba ngim long kiba lah ban trei hynrei ngi lah, hynrei lada ai ka lad ngi long kiba ia ryngkat bad kiwei”. Ka sorkar kala kut jingmut ban trei na ka bynta ka roi ka par jong ka jylla.
