Ki samla Meghalaya ki long kiba don bok ba ki pule ia ka ktien phareng: Thadani

Shillong, Nailar 29: U Vice Chairman jong ka NIIT, u Vijay K Thadani u la ong ba ka long kaba don bok shi sha ba ki samla na ka jylla Meghalaya bad kum juh kane ka thain shatei lam mih ngi jong ka Ri India ki pule ia ka ktien jong ka pyrthei kata ka ktien pahreng.

Haba kren ha ki lad pathai khubor mynta ka sngi u la ong ba ka NIIT kala don ha Shillong naduh u snem 1992  bad ha kaba sdang ka ai jinghikai ha ka liang ki kor ki bor, hynrei mynta ka rukom trei kam kala kylla bad kin sdang noh ia ka jinghikai thymmai katkum kane ka juk ia kaba la tip e-Dgital technology.

U la ong ba ka ki jinghikai kaba ia pule ha ki college kim ia hap shuh ha kane ka juk kaba mynta katkum ka jingdawa jong ka iew ha ka ioh kam ioh jam bad kum juh ha ka seng kam seng jam, u la au nuksa, kum ka kimpeni kaba pyniaid ia ka Uber, kam don wat tang kawei ka kali ruh, kum juh ka Amazon kam don wat tang kawei ka dukan ruh hynrei ki dei ki compnei ba heh ha pyrthei.

Ka jingkyrkhu ia ki samla pule jong ka jylla Meghalaya ka long ba ki tip bha ia ka ktien phareng bad kane ka iarap ia ki ban ioh kam ioh jam sha bar jong ka jylla, hynrei kaei kaba ki don kam ia kaba kim ioh jinghikai ha ki college, ka long ia ka rukom ia kren khana kumno ban pyndon kam ia ka ktien kaba ki la don bad ki. Ha kane ka juk digital ka ktien pahreng ka long kaba don kam.

Naduh ba sdang jong ka NIIT ha Shillong kila lah ban ai jinghikai palat 10000 ngut ki samla bad kaba kila lah ban pynioh kam ia ki lait noh na ki kam sorkar kila kot sha 4000 ngut  bad mynta ki plie ia ki lad jinghikai thymmai ha kaba ia dei bad ki kam ha ki Bank. La ong ba ka jaka ai jinghikai ha Shillong ka lah ban pdiang tang 300 ngut ki samla pule.

What Next?

Recent Articles

Leave a Reply

Submit Comment

*