Ki Samla mynta ki la duna shibun kiba mih ban kit ban bah ia la ka Jaitbynriew: KSU

Shillong, Jylliew 16: Haka sngi saitjain,  Ka Khasi Student Union Nongbareh Unit sa shisien kala lah ban pynthymmai biang iaki nongkitkam ba pura jong ka naka bynta u snem 2019-2022.

U samla Rapborlang Nongrum uba long u Publicity Secy Ka KSU Sengkmie haba ai jingkren haka jingpynsmai iaki dkhot ula ong ” Ban kit ban bah ia la ka Jaitbynriew kadei ka kamram kaba ngi hap ban trei khlem ka jingiohnong lane khlem ka jingkhmihlynti ba kaei ka KSU ka ai iaphi lane kaei kaba ka Jaitbynirew ka ai iaphi, hynrei kadei ka bynta ka jongphi ban nohsynniang ia la ka Jaitbynriew ha ka jinglah ka bor ka jong phi”

Haba phai shaka jingduna jong ki Samla kiba mih ban shakri iaka Jaitbynriew ula ong, ” Ki Samla mynta ki la duna shibun kiba mih ban kit ban bah ia la ka Jaitbynriew ,lada ngi peit hangtei hapoh shillong bad sha ki khap sor ruh ngi iohi bun ki la klet noh iaka mynsiem ban shakri bad nohsynniang iaka Jaitbynriew ym kum haki por kiba mynshwa”

Shuh ula ong ruh ba ka jingbuh iaki Unit jong ka Seng ha kylleng ka bri U Hynniewtrep bad shabar ruh , kam shym mut tang ban pynbun paid ne pynbun Unit, hynrei kadei ka jingthmu ban pynmih iaki samla ki ban shakri iaka jaitbynriew bad khamtam ban peitngor iaka jingma kaba ap iaka ri bad iaka jaitbynriew baroh kawei.

Katba u Samla Laitphar Syngkrem , President ka KSU War Jaintia Circle haba ai jingkren haka jingialang u la ong ba ” Ka por kaba mynta kamdei shuh ka por kaba ngin pynjur khambun daka ktien , hynrei ka dei ka por kaba ngin pynjur khambun daka kam”

“Ngi khot ngi wer iaki samla kiba don ka Mynsiem ban shakri iaka Jaitbynriew ban mih shakhmat khlem buhteng namar ka jaitbynriew mynta ka donkam eh iaki Samla ki ban leh eiei naka bynta ka Jaitbhnriew” ula ong shuh shuh.

Kiwei pat kiba ai jingkren haka ne ka jingialang pynthymmai iaki nongkitkam ka Nongbareh Unit ki long u Samla Garland Shadap Manner General Secy ka KSU JHDU, U Ma Thirteen Sumer Asst Secretary Shnong ka Nongbareh bad kiwei kiwei.

Ki Samla Kiba Shah Pynsmai kum ki Nongialam ba thymmai ka Nongbareh Unit ki long, Samla Balajied Pohlong President, Samla Ksanbor Pohtam Vice President, Samla Subha L Rymbui General Secy, Samla Kolet Tang Asst General Secy , Samla Fullmoon Pohlong Finance Secy bad kumba 25 ngut ki dkhot. Kane ka long katkum ka kyrwoh ba la pyllait da u samla N Sutnga Asst Publicity Secretary  ka KSU JHDU.

 

What Next?

Recent Articles

Leave a Reply

Submit Comment

*