Shillong, Kyllalyngkot 13: Ki san ngut ki MLA ki ban pyniasoh sha ka party United Democratic Party (UDP) u bah Process T Sawkmie, bah Reniktone L Tongkhar, bah Shilang Pale, bah Mayralborn Syiem, bah Lambor Malngiang kin resign na ka kam MLA ban pyniasoh sha ka UDP ynda ka Election Commission jong ka Ri India kan pynbna ia ka elekshon.
Dang shen u bah Metbah Lyngdoh president ka UDP u la pynthikna ba san ngut ki MLA na ki seng sain pyrthei bapher bapher kila kin wan pyniasoh sha ka party ynda la pynbna elekshon sha ka jylla Meghalaya.
Ka party UDP kala dep ban pynbna kyrtong haduh 34 ngut haduh mynta bad ia kiba dang sah kin sa pynbna noh shen ha kine ki sngi mar ia pynbna ia ka elelshon sha ka iing dorbar thawain ka jylla da ka Election Commission jong ka Ri India.
Ka kynhun jong ka Election Commission ka Ri India kala wan sha Shillong bad mynta ka sngi kila leit phai sha Nagaland bad ynda kila leit phai kin sa pynbna ia ka election sha ki lai tylli ki jylla kyntup ia ka Nagaland bad Tripura.
