Shillong, Jymmang 02: Ka tnad ka koit ka khiah mynta ka sngi kala pyntip ba ka jylla Meghalaya mynta ka sngi ym shym don ba shah test COVID-19 positive, la ai jingkhein ba kiba dang shitom na kane ka jingpang ki don san ngut bad kine baroh ki dei na East Khasi Hills District.
Ka tnad ka koit ka khiah kala pyntip ba mynta ka sngi bala ioh ia ka jingkoit na kane ka jingpang don 1 na Ri Bhoi District , kiba la koit na kane ka jingpang baroh haduh mynta kila kot sha ka 92202 ngut, kiba la shah test COVID-19 positive pat ki long 93800 ngut haduh myta ka sngi.
