Ki skul kim dei ban ai thoh ha iing sha bar na ki kot kiba la pdiang da ka MBOSE

Shillong, Jymmang 17: Ka tnad pule puthi jong ka sorkar jylla Mynta ka sngi kala pynmih ia ka jingpynbna paidbah ba ki skul kim dei ban phah thoh ia ki khynnah skul ha iing sha bar na ki kot kiba la buh da ka MBOSE, ICSE bad CBSE. Ia kane la leh katkum ka jingbethah jong ka ministry Ministry jong ka Human Resource Development, Government jong ka sorkar pdeng.

La leh ia kane ban pynduna ia ka jingkhia kip la kot jong ki khynnah skul bad ban iada ia ka koit ka khiah ka jong ki. Na ka liang jong ka tnad pule jong ka sorkar Meghalaya kala bthah ia kane ka jingbethah sha baroh ki skul jong ka jylla ba kim bud ia kane ka hukum.

Ka jingkhia jong kip ala kot na ka bynta ki Class I bad II kane dei ban long palat ia ka  1.5 kilo. Classes III haduh V kam dei ban khia ia ka 2-3 kilo,Classes VI haduh  VII kam dei ban khia ia ka 4 kilo, Clases VIII haduh IX kam dei ban khia ia ka 4.5 kilo bad na ka bynta ki Class X kam dei ban khia ia ka 5 kilo.

 

La bethah ruh ia ki skul baroh ba kim dei ban bethah ia ki khynnah skul ba kin rah ia kiwei ki kot kiba long sha bar na ki kot kiba la buh katkum ka por long skul ia kaba la juh time kum ka Time Table.

 

Ki nongpyniaid skul bad ki nonghikai ki dei ban shna ia ka porlong skul ha kata ka rukom ba ki khynnah kim dei ban rah shibun ki kot sha skul bad ki khynnah ki dei ban ia shim bynta ha ki jingialehkai ha skul bad kin pule kot ha ki jaka buh kot, kane ka jingpynbna sorkar kan trei kam noh mar dor.

What Next?

Recent Articles

Leave a Reply

Submit Comment

*